News February 20, 2025
MNCL: వ్యాపారం ముసుగులో గంజాయి అమ్మకం
మంచిర్యాలలో CC కెమెరాల వ్యాపారం ముసుగులో సాగుతున్న గంజాయి వ్యాపార ముఠాను పోలీసులు పట్టుకున్నారు. IBx రోడ్, SBIకాంప్లెక్స్ కింద సెల్లార్‌లో ప్రవీణ్ కుమార్‌కి చెందిన Yఇన్ఫో సొల్యూషన్స్‌లో పోలీసులు సోదాలు చేశారు. కాగా అక్కడ తరలించేందుకు సిద్ధంగా ఉన్న CC కెమెరాల కాటన్ బాక్సుల్లో సుమారుగా రూ.11,75,000 విలువగల 23.5కిలోల గంజాయిని స్వాధీనం చేసుకొని 22మందిపై కేసు నమోదు చేసినట్లు పోలీసులు వెల్లడించారు.
Similar News
News November 29, 2025
శ్రీకాకుళం: కానిస్టేబుల్‌ను ఈడ్చికెళ్లిన ఆటో.. డ్రైవర్‌కు జైలు శిక్ష
శ్రీకాకుళంలో ట్రాఫిక్ విధుల్లో ఉన్న కానిస్టేబుల్‌ను మురళీకృష్ణను ఆటోతో డ్రైవర్ శ్రీనివాసరావు ఈడ్చుకొని వెళ్లిన ఘటనపై కేసు నమోదు చేశామని ట్రాఫిక్ సీఐ రామారావు తెలిపారు. మురళీకృష్ణకు గాయాలు కాగా డ్రైవర్‌ను మెజిస్ట్రేట్ శివరామకృష్ణ వద్ద హాజరుపరచగా 7 రోజుల జైలు శిక్ష విధించినట్లు చెప్పారు. శ్రీనివాసరావును సబ్ జైలుకు తరలించినట్లు చెప్పారు. రహదారిపై ఇష్టమొచ్చినట్లు ప్రవర్తిస్తే చర్యలు తప్పవన్నారు.
News November 29, 2025
ఈ నంబర్లు సేవ్ చేసుకోండి: ప.గో జేసీ
పశ్చిమగోదావరి జిల్లాలో ధాన్యం కొనుగోళ్ల సమస్యల పరిష్కారానికి ప్రత్యేక కంట్రోల్‌ రూమ్‌ ఏర్పాటు చేసినట్లు జాయింట్‌ కలెక్టర్‌ టి.రాహుల్‌కుమార్‌ రెడ్డి తెలిపారు. రైతులు సమస్యలపై 8121676653, 18004251291 నంబర్లలో సంప్రదించవచ్చన్నారు. రానున్న రెండు, మూడు రోజుల్లో వర్షాలు కురిసే అవకాశం ఉన్నందున రైతులు అప్రమత్తంగా ఉండాలని, ధాన్యం తడవకుండా తగు జాగ్రత్తలు తీసుకోవాలని సూచించారు.
News November 29, 2025
ప్రాణం తీసిన ఇంటర్వ్యూ.. 28ఏళ్ల తర్వాత ప్రతీకారం!
TG: సిరిసిల్ల(D)లో మాజీ మావోయిస్టు సిద్ధయ్య(58) ఊహించని రీతిలో హత్యకు గురవడం చర్చనీయాంశమైంది. మావోయిస్టుగా ఉన్నప్పుడు తాను చేసిన హత్యల గురించి సిద్ధయ్య ఓ యూట్యూబ్ ఇంటర్వ్యూలో చెప్పాడు. 1997లో ఇన్ఫార్మర్‌గా పనిచేస్తున్నాడన్న కారణంతో JGLకు చెందిన అంజయ్యను చంపానన్నాడు. ఇది చూసిన అంజయ్య కొడుకు సంతోష్ ఇంటర్వ్యూ కోసం సిద్ధయ్యను సంప్రదించి, అగ్రహారం గుట్టల్లోకి తీసుకెళ్లి తలపై బండరాయితో కొట్టి చంపేశాడు.