News April 9, 2024
MNCL: అక్రమంగా తరలిస్తున్న పీడీఎస్‌ బియ్యం పట్టివేత
కన్నెపల్లి మండలం జనకాపూర్ గ్రామానికి చెందిన గుల్ల రాకేష్ అక్రమంగా రేషన్ బియ్యాన్ని వాహనంలో తరలిస్తుండగా మంగళవారం పట్టుకున్నట్లు ఎస్సై జగదీష్ తెలిపారు. ముందస్తు సమాచారం మేరకు దాడులు నిర్వహించి బోలేరో వాహనాన్ని తనిఖీ చేయగా అందులో 12.5 క్వింటాళ్ల రేషన్ బియ్యం లభ్యమైనట్లు పేర్కొన్నారు. వాహనాన్ని స్వాధీనం చేసుకొని పోలీస్ స్టేషన్ తరలించి, రాకేష్ పై కేసు నమోదు చేసినట్లు వెల్లడించారు.
Similar News
News February 1, 2025
శ్యాంపూర్‌లో పర్యటించిన మంత్రి సీతక్క
ఉట్నూర్ మండలం శ్యాంపూర్‌లో రాష్ట్రమంత్రి సీతక్క శుక్రవారం పర్యటించారు. గ్రామంలో కొలువుదీరిన దైవం బుడుందేవ్‌ను ఆమె శుక్రవారం దర్శించుకున్నారు. ఈ సందర్భంగా ప్రత్యేక పూజలు చేశారు. ఎమ్మెల్యే బొజ్జు, ఎమ్మెల్సీ విఠల్, కరీంనగర్ జిల్లా గ్రంథాలయ సంస్థ ఛైర్మన్ మల్లేష్, మాజీ ఎంపీ సోయం బాపురావు ఉన్నారు.
News January 31, 2025
ఇంద్రవెల్లి: శాంతియుతంగా కొనసాగిన ప్రజాదర్బార్
ఇంద్రవెల్లి మండలంలోని కేస్లాపూర్ నాగోబా జాతర నేపథ్యంలో ప్రతి సంవత్సరం నిర్వహించే ప్రజాదర్బార్ శుక్రవారం శాంతియుత వాతావరణంలో జరిగింది. ఈ సందర్బంగా ప్రజావాణిలో ప్రజల సమస్యల దరఖాస్తులను స్వీకరించగా వాటిని సీఎం దృష్టికి తీసుకెళ్లి పరిష్కరిస్తామని మంత్రి సీతక్క అన్నారు. ఉమ్మడి జిల్లా MLC, MLAలు, కాంగ్రెస్ ముఖ్యనాయకులు హాజరయ్యారు. కార్యక్రమానికి ఆదివాసీ పెద్దలు, మహిళలు, ప్రజలు భారీఎత్తున తరలివచ్చారు.
News January 31, 2025
ADB: ఉపాధ్యాయుడిపై సస్పెన్షన్ వేటు
ఆదిలాబాద్ జిల్లా తలమడుగు మండలంలోని భరంపూర్ ప్రభుత్వ ఉన్నత పాఠశాలలో స్కూల్ అసిస్టెంట్‌గా పని చేస్తున్న మహేందర్ యాదవ్ పై సస్పెన్షన్ వేటు పడింది. ఈ మేరకు ఆదిలాబాద్ DEO నుంచి ఉత్తర్వులు వెలువడ్డాయి. అదే పాఠశాలకు చెందిన ప్రధానోపాధ్యాయురాలితో సదరు ఉపాధ్యాయుడు అసభ్యకర పద జాలముతో వేధిస్తున్నాడని ఫిర్యాదు చేశారు. దీంతో సస్పెండ్ చేసినట్లు జిల్లా విద్యాధికారి ప్రణీత ఉత్తర్వుల్లో పేర్కొన్నారు.