News October 17, 2024
మోదీ బ్రాండ్ వాషింగ్ మెషీన్.. అవినీతి మటు మాయం: ఏపీ కాంగ్రెస్
స్కిల్ డెవలప్‌మెంట్ కేసులో సీఎం చంద్రబాబుకు ఈడీ క్లీన్‌చిట్ ఇచ్చినట్లు వార్తలు వస్తున్న నేపథ్యంలో ఏపీ కాంగ్రెస్ సెటైర్లు వేసింది. ‘2023లో చంద్రబాబుపై స్కిల్ డెవలప్‌మెంట్ స్కాం కేసు. 2024లో బీజేపీతో పొత్తు. 2024లో బాబుకు క్లీన్‌చిట్. మోదీ బ్రాండ్ వాషింగ్ మెషీన్. అవినీతి మటు మాయం’ అని ట్వీట్ చేసింది. చంద్రబాబు వాషింగ్ మెషీన్ నుంచి బయటకు వస్తున్నట్లు ఉన్న ఫొటోను షేర్ చేసింది.
Similar News
News October 17, 2024
SRHకు డేల్ స్టెయిన్ గుడ్‌బై
ఐపీఎల్‌-2025కు ముందు సన్‌రైజర్స్ హైదరాబాద్‌కు ఎదురుదెబ్బ తగిలింది. ఆ టీమ్ బౌలింగ్ కోచ్ పదవి నుంచి తప్పుకుంటున్నట్లు సౌతాఫ్రికా లెజెండ్ డేల్ స్టెయిన్ సోషల్ మీడియాలో ప్రకటించారు. కొన్నేళ్లుగా తనకు అవకాశం కల్పించిన మేనేజ్‌మెంట్‌కు ధన్యవాదాలు తెలిపారు. SA20లో సన్‌రైజర్స్ ఈస్ట్రన్ కేప్‌తో కలిసి పనిచేస్తానని చెప్పారు. వరుసగా మూడోసారి ట్రోఫీ సాధించేందుకు కృషి చేస్తానన్నారు.
News October 17, 2024
6Gలో భారత్ అగ్రగామిగా నిలిచేలా..!
IIT మద్రాస్‌ టెలికమ్యూనికేషన్ ల్యాండ్‌స్కేప్‌లో విప్లవాత్మక మార్పులు చేసే దిశగా అడుగులు వేస్తోంది. 6G ట్రయల్స్ కోసం టెస్ట్ బెడ్ యూనిట్‌ను ప్రారంభించింది. ఇందులో 6397MBPS ఇంటర్నెట్ స్పీడ్‌తో టెస్టింగ్ దశలో ఉన్న ఓ ఫొటో వైరలవుతోంది. 2030 నాటికి 6G టెక్నాలజీలో భారతదేశాన్ని అగ్రగామిగా మార్చాలనే లక్ష్యంతో పనిచేస్తోంది. భారత్ 6G విజన్‌ స్తోమత, సుస్థిరత, సర్వవ్యాప్తి అనే మూడు సూత్రాలతో పనిచేస్తోంది.
News October 17, 2024
మావోలకు మరో ఎదురుదెబ్బ.. కీలక నేత అరెస్ట్
మావోయిస్టు కీలక నేత సుజాతను పోలీసులు పట్టుకున్నారు. చికిత్స కోసం కొత్తగూడెంలోని ఆస్పత్రికి వెళ్తుండగా తెలంగాణ పోలీసులు ఆమెను అరెస్ట్ చేశారు. మావోయిస్టుల ఆపరేషన్లలో కీలక పాత్ర పోషించిన సుజాతపై MH, ఏపీ, TG, ఛత్తీస్‌గఢ్‌లో రూ.కోటికిపైగా రివార్డు ఉంది. ప్రస్తుతం ఆమె బస్తర్ డివిజనల్ కమిటీకి ఇన్‌ఛార్జ్‌గా ఉన్నారు. కాగా ఇటీవల జరిగిన భారీ ఎన్‌‌కౌంటర్‌లో 31 మంది మావోలు మృతి చెందిన సంగతి తెలిసిందే.