News April 25, 2024
మోదీ గ్యారంటీ భారత్‌కు పరిమితం కాదు: జైశంకర్
పీఎం మోదీ ఇచ్చే గ్యారంటీ భారత్‌కు మాత్రమే పరిమితం కాదని కేంద్రమంత్రి ఎస్ జైశంకర్ పేర్కొన్నారు. హైదరాబాద్‌లో జరిగిన ఓ కార్యక్రమంలో ఆయన మాట్లాడారు. ‘మోదీ గ్యారంటీ దేశ సరిహద్దుల వద్ద ఆగిపోదు. విదేశాల్లోని భారతీయుల భద్రత కూడా మాకు అత్యంత ముఖ్యం. కొవిడ్ అయినా, యుద్ధాలైనా మనవారిని రక్షించేందుకు మేం అన్నివేళలా సిద్ధం. గత ప్రభుత్వాల విదేశాంగ విధానం ఓటు బ్యాంకే ప్రామాణికంగా నడిచింది’ అని స్పష్టం చేశారు.
Similar News
News November 30, 2025
KarNATAKA: రామయ్య ‘సిద్ద’మని శివకు తెలిసే..
కర్ణాటకలో CM మార్పు లేదన్న DK శివకుమార్ ప్రకటన వెనక బలమైన కారణం ఉంది. పార్టీకి అర్థ, అంగ బలం అందించిన DKను CM చేస్తే సిద్దరామయ్య ఒప్పుకుంటారా? అని కాంగ్రెస్ రహస్యంగా ఎంక్వైరీ చేసింది. సైలెంట్‌గా కన్పించే సిద్ద తేడా వస్తే కమలంతో జత కట్టేందుకు సిద్దంగా ఉన్నారని తెలిసిందట. తను గెలిపించిన MLAలు కూడా CM క్యాంపులో చేరారని శివను హెచ్చరించింది. ఈ విషయం తెలిసే పవర్ హౌజ్ పదవిపై తగ్గారని విశ్వసనీయ సమాచారం.
News November 30, 2025
దూడకు జున్నుపాల ప్రాముఖ్యత
దూడకు జున్ను పాలను పశువు ఈనిన ఒక గంట లోపల తాగించాలి. ఈ సమయంలోనే జున్ను పాలలో రోగనిరోధక శక్తిని కలిగించే యాంటీబాడీస్‌ను దూడ వినియోగించుకోగలదు. ఆలస్యమైతే ఈ యాంటీబాడీస్‌ను జీర్ణించుకొనే శక్తి దూడకు తగ్గుతుంది. జున్ను పాలలో తేలికగా జీర్ణమయ్యే మాంసకృత్తులు, విటమిన్-A ఎక్కువగా ఉంటాయి. జున్ను పాలు బాగా తాగిన దూడలు ఆరునెలల వయసు వరకు రోగ నిరోధక శక్తిని కలిగి అతి త్వరగా పెరుగుతాయి.
News November 30, 2025
యూత్ సంకల్పమే ‘వికసిత్ భారత్’: మోదీ
డ్రోన్ పోటీలో పుణే యువత చూపిన పట్టుదల, ఇస్రో సైంటిస్టుల నిబద్ధత ఒక్కటేనని ప్రధాని మోదీ అన్నారు. యువతరం సంకల్పమే ‘వికసిత్ భారత్’ అని, టెక్నాలజీ అభివృద్ధిలో వారి కృషి కీలకమని చెప్పారు. ‘చంద్రయాన్-2 ఫలితంతో నిరాశ చెందిన శాస్త్రవేత్తలు అదే రోజు చంద్రయాన్-3 విజయగాథ రాయడం మొదలుపెట్టారు. వైఫల్యాలే విజయానికి తొలి అడుగు. పరిశోధన రంగంలో భారత్ దూసుకుపోతోంది’ అని 128వ ‘మన్ కీ బాత్’లో మోదీ పేర్కొన్నారు.