News May 15, 2024
మోదీVsరాహుల్.. ఎవరు రిచ్?
LS ఎన్నికల్లో పోటీ చేస్తున్న మోదీ, రాహుల్ గాంధీ తమ ఆస్తుల వివరాలు వెల్లడించారు. మోదీ ₹3.02కోట్ల ఆస్తులున్నాయని, సొంతకారు, ఇల్లు లేదని తెలిపారు. మరోవైపు తనకు ₹20కోట్ల ఆస్తులున్నట్లు రాహుల్ వెల్లడించారు. తనకు సొంతిల్లు లేదని, రూ.49.7లక్షల అప్పుందన్నారు. మోదీ గుజరాత్ యూనివర్సిటీ నుంచి 1983లో మాస్టర్స్ పూర్తి చేయగా.. రాహుల్ 1995లో కేంబ్రిడ్జ్ యూనివర్సిటీ నుంచి డెవలప్మెంట్ స్టడీస్లో ఎంఫిల్ చేశారు.
Similar News
News March 23, 2026
ఏప్రిల్ 2 నుంచి JEE మెయిన్ సెషన్-2 ఎగ్జామ్స్
JEE మెయిన్-2026 చివరి విడత (సెషన్-2) పరీక్షల షెడ్యూల్ను NTA ప్రకటించింది. ఏప్రిల్ 2 నుంచి 8వ తేదీ వరకు ఈ ఎగ్జామ్స్ జరగనున్నాయి. పరీక్ష కేంద్రం ఏ నగరంలో ఉందో ముందుగానే తెలుసుకునేలా ‘సిటీ ఇంటిమేషన్ స్లిప్స్’ను NTA విడుదల చేసింది. అప్లికేషన్ నంబర్, పాస్వర్డ్, సెక్యూరిటీ పిన్ను ఎంటర్ చేసి వెబ్సైట్ నుంచి ఈ స్లిప్పులను డౌన్లోడ్ చేసుకోవచ్చు. అడ్మిట్ కార్డులు పరీక్షకు కొన్ని రోజుల ముందు వస్తాయి.
News March 23, 2026
నేడు అకౌంట్లలోకి రూ.6,000
TG: సిద్దిపేట పర్యటనలో నిన్న సీఎం రేవంత్ <<19449281>>విడుదల<<>> చేసిన తొలి విడత రైతు భరోసా నిధులు ఇవాళ అకౌంట్లలో జమ కానున్నాయి. రూ.6వేల చొప్పున రూ.3,600 కోట్లు అన్నదాతల ఖాతాల్లో చేరనున్నాయి. మరో 20 రోజుల్లో రూ.2,700 కోట్లు, ఆ తర్వాత 20 రోజులకు రూ.2,700 కోట్లు రిలీజ్ చేస్తామని రేవంత్ వెల్లడించారు. మొత్తంగా దాదాపు 70 లక్షల మందికి ప్రయోజనం కలిగిస్తామన్నారు.
News March 23, 2026
బాక్సాఫీస్ షేక్: ₹700 కోట్ల దిశగా ‘ధురంధర్ 2’
రణవీర్ సింగ్ స్పై థ్రిల్లర్ ‘ధురంధర్ 2’ బాక్సాఫీస్ చరిత్రను తిరగరాస్తోంది. కేవలం 4 రోజుల్లోనే ప్రపంచవ్యాప్తంగా ₹691.32 కోట్ల గ్రాస్ వసూలు చేసి గదర్ 2, సలార్ వంటి మూవీల రికార్డులను అధిగమించింది. శని, ఆదివారాల్లో వరుసగా ₹100 కోట్లకు పైగా నెట్ కలెక్షన్లు సాధించిన తొలి హిందీ సినిమాగా నిలిచింది. ఇండియాలో ఇప్పటివరకు ₹454.12 కోట్ల నెట్ వసూళ్లు సాధించింది. త్వరలోనే ₹700 కోట్ల (గ్రాస్) మార్కును దాటనుంది.