News March 23, 2024

వారంలో అకౌంట్లలోకి డబ్బులు

AP: ఖరీఫ్‌లో 4.97 లక్షల మంది రైతుల నుంచి 29.91 లక్షల టన్నుల ధాన్యాన్ని సేకరించినట్లు వ్యవసాయ శాఖ వెల్లడించింది. ఇప్పటి వరకు 4.36 లక్షల మంది రైతులకు రూ.5,700 కోట్లు చెల్లించామంది. మిగిలిన 61 వేల మంది రైతుల ఖాతాల్లో రూ.838 కోట్లను వారం రోజుల్లో జమ చేస్తామని తెలిపింది. ఏప్రిల్ మొదటి వారం నుంచి రబీ కొనుగోళ్లు ప్రారంభిస్తామని, 25 లక్షల టన్నుల ధాన్యం వస్తుందని అంచనా వేస్తున్నట్లు పేర్కొంది.