News October 25, 2025
ఇంటర్లో ఇంటర్నల్ విధానంతో మరిన్ని సమస్యలు: GJLA
TG: INTERలో 20% ఇంటర్నల్, 80% ఎక్స్‌టర్నల్ మార్కుల విధానం వల్ల ప్రమాణాలు పడిపోతాయని ప్రభుత్వ జూనియర్ లెక్చరర్ల సంఘం ఆందోళన వ్యక్తం చేసింది. ‘ఇప్పటికే ప్రైవేటు, కార్పొరేట్ వల్ల ప్రాక్టికల్స్ ప్రహసనంగా మారాయి. ఇంటర్నల్ మార్కుల విధానం పెడితే ఆ సంస్థలు ఇష్టానుసారం ప్రవర్తిస్తాయి. ప్రమాణాలు మరింత దిగజారుతాయి. దీనిపై ప్రభుత్వం పునరాలోచన చేయాలి’ అని సంఘం అధ్యక్షుడు మధుసూదన్‌రెడ్డి పేర్కొన్నారు.
Similar News
News October 25, 2025
ఏఐ ఫేక్ వీడియో, ఇమేజ్‌లపై ECI ఆదేశాలు
బిహార్ ఎన్నికల్లో AIవీడియోలు, ఇమేజ్‌లతో ప్రచారాలు మిన్నంటాయి. వీటిలో కొన్ని ఓటర్లను తప్పుదోవ పట్టించేలా ఉండటంతో EC కొత్త రూల్స్ ప్రకటించింది. వీడియో, ఇమేజ్‌ల పైభాగంలో స్పష్టమైన లేబుల్ ఉండాలి. తయారీదారు పేరుండాలి. అవమానపరిచేలా, అనుమతిలేని ఇతరుల స్వరాలు, స్వరూపాలతో ఆడియో, వీడియోలు ప్రచారం చేయరాదు. తప్పుడు కంటెంట్ ఉంటే 3గం.లో హ్యాండిళ్ల నుంచి తొలగిస్తారు. పార్టీలు వీటిపై రికార్డులు నిర్వహించాలి.
News October 25, 2025
చీర కట్టుకుంటున్నారా..? ఇలా చేస్తే సూపర్ లుక్
ఎంత ట్రెండీ, ఫ్యాషన్ డ్రెస్సులున్నా ప్రత్యేక సందర్భాల్లో మహిళలు చీరకే ఓటేస్తారు. అయితే చీర కట్టడంలో కొన్ని టిప్స్ పాటిస్తే లుక్ అదిరిపోతుంది. చీర ఎంత ఖరీదైనా అది మనకు నప్పకపోతే బావుండదు. కాబట్టి మీ ఒంటికి నప్పే రంగు ఎంచుకోవాలి. లైట్ కలర్ చీరైతే మంచి ప్రింట్స్ ఉండేలా చూసుకోవాలి. సరిగ్గా ఫిట్ అయ్యే బ్లౌజ్ వేసుకోవాలి. అప్పుడప్పుడూ డిఫరెంట్‌గా చీర కట్టడం ట్రై చేయాలి. చీరను బట్టి జ్యువెలరీ ఎంచుకోవాలి.
News October 25, 2025
కోహ్లీ&రోహిత్ ‘క్యాచుల’ రికార్డు
భారత స్టార్ ప్లేయర్ కోహ్లీ AUSతో జరుగుతున్న మూడో వన్డేలో అరుదైన రికార్డు సృష్టించారు. AUSలో AUSపై అత్యధిక క్యాచ్‌లు(38*) పట్టిన ప్లేయర్‌గా నిలిచారు. ఇవాళ 2 క్యాచ్‌లు పట్టి ఇయాన్ బోథమ్(36) పేరిట ఉన్న రికార్డును అధిగమించారు. అటు రోహిత్ శర్మ 100 క్యాచెస్ క్లబ్‌లో చేరారు. ఈ లిస్ట్‌లో కోహ్లీ(163*), అజారుద్దీన్(156), సచిన్(140), ద్రవిడ్(124), రైనా(102) తర్వాత ఆరో ప్లేయర్‌గా చోటు దక్కించుకున్నారు.