News August 7, 2025
ధనుష్ సిస్టర్స్‌ను ఫాలో అవుతున్న మృణాల్.. నెట్టింట చర్చ
తమిళ స్టార్ హీరో ధనుష్, హీరోయిన్ మృణాల్ ఠాకూర్‌ డేటింగ్‌లో ఉన్నారనే పుకార్లు షికార్లు కొడుతున్నాయి. వారం రోజులుగా ఇది జరుగుతున్నా ఇద్దరూ దీనిని ఖండించలేదు. ఇదిలా ఉండగా మృణాల్ తన ఇన్‌స్టా అకౌంట్‌లో ధనుష్ సిస్టర్స్ అయిన కార్తీక, విమల గీతను ఫాలో అవడం చర్చనీయాంశమైంది. వీరిద్దరు కూడా ఆమెను తిరిగి ఫాలో అవుతుండటం ప్రేమ పుకార్లకు మరింత ఆజ్యం పోస్తోంది. కాగా వీరిద్దరూ ఇప్పటివరకూ కలిసి పనిచేయలేదు.
Similar News
News August 10, 2025
చికెన్ ఆరోగ్యానికి మంచిదా? చెడ్డదా?
చికెన్‌ను పవర్ హౌస్ అని అంటారు. దీనిని తింటే ఎన్నో రకాల ఆరోగ్య ప్రయోజనాలు ఉన్నాయని వైద్య నిపుణులు చెబుతున్నారు. ‘చికెన్ తింటే ఎముకలు, కండరాల దృఢత్వంతోపాటు రోగనిరోధక శక్తి పెరుగుతుంది. గుండె ఆరోగ్యాన్ని మెరుగుపరుస్తుంది. మానసిక స్థితిని సమతుల్యంగా ఉంచుతుంది. దీనిని అతిగా తింటే కొలెస్ట్రాల్ స్థాయులు, బరువు పెరుగుతారు. అలర్జీ, ఇన్ఫెక్షన్, హార్మోన్ల అసమతుల్యత ఏర్పడుతుంది’ అని హెచ్చరిస్తున్నారు.
News August 10, 2025
‘మాస్ జాతర’ నుంచి మాస్ పోస్టర్
మాస్ మహారాజా రవితేజ, శ్రీలీల జంటగా నటిస్తున్న ‘మాస్ జాతర’ సినిమా నుంచి చిత్ర యూనిట్ ఓ పోస్టర్‌ను విడుదల చేసింది. ఇందులో మంటల్లో రవితేజ ఫైట్ చేస్తూ ఊర మాస్ లుక్‌లో కనిపిస్తున్నారు. భాను భోగవరపు తెరకెక్కించిన ఈ చిత్రం వినాయక చవితి కానుకగా ఈ నెల 27న రిలీజ్ కానుంది. నాగవంశీ నిర్మిస్తున్న ఈ సినిమా టీజర్ రేపు ఉదయం 11.08 గంటలకు రిలీజ్ కానుంది.
News August 10, 2025
భారత్‌తో ఘర్షణ.. పాకిస్థాన్‌కు భారీ నష్టం
భారత్‌తో తీవ్ర ఘర్షణ వల్ల పాకిస్థాన్‌కు భారీ ఆర్థిక నష్టం వాటిల్లింది. 2 నెలలపాటు ఎయిర్‌స్పేస్ మూసివేయడంతో పాక్ ఎయిర్‌పోర్ట్స్ అథారిటీ రూ.1,240 కోట్ల ఆదాయం కోల్పోయింది. పాక్‌కు భారత్ సింధూ జలాలను నిలిపివేయడంతో ప్రతీకారంగా ఆ దేశం ఎయిర్‌స్పేస్‌ను మూసివేసి మన ఫ్లైట్లను వెళ్లనివ్వడంలేదు. కానీ ఆ నిర్ణయం బెడిసికొట్టింది. అయినా బుద్ధి మార్చుకోని పాక్.. ఎయిర్‌స్పేస్ మూసివేతను AUG 24 వరకు పొడిగించింది.