News July 12, 2024
3వ తరగతి బాలికపై హత్యాచారం.. CM చంద్రబాబు సీరియస్

AP: నంద్యాల జిల్లాలో 3వ తరగతి బాలికపై ముగ్గురు మైనర్ బాలురు హత్యాచారానికి పాల్పడటంపై సీఎం చంద్రబాబు సీరియస్ అయ్యారు. ఈ ఘటన కలచివేసిందని, ప్రభుత్వం నేరాలను అంగీకరించదని స్పష్టం చేశారు. ‘ఆడబిడ్డల సంరక్షణకు సంస్థాగతంగా మెకానిజం కావాలి. పిల్లలు తప్పులు చేయకుండా తల్లిదండ్రులు నిశితంగా పర్యవేక్షించాలి. కేజీ నుంచి పీజీ వరకు పాఠ్యాంశాల్లో మానవతా విలువలపై సిలబస్ చేర్చుతున్నాం’ అని సీఎం ట్వీట్ చేశారు.
Similar News
News November 30, 2025
అదే నిజమైతే వారిద్దరూ టెస్టులు ఆడాలి: పీటర్సన్

టెస్టుల్లో భారత పేలవ ప్రదర్శన నేపథ్యంలో రోహిత్-కోహ్లీ రీఎంట్రీపై చర్చ నడుస్తున్న సంగతి తెలిసిందే. దీనిపై ఇంగ్లండ్ మాజీ క్రికెటర్ కెవిన్ పీటర్సన్ సైతం స్పందించారు. ‘ఒకవేళ వారిద్దరూ తిరిగి టెస్టుల్లో ఆడాలని భావిస్తున్నారన్నది సగం నిజమైనా సరే దానిని సీరియస్గా తీసుకోవాలి. టెస్టు క్రికెట్ మనుగడపై చర్చ జరుగుతున్న నేపథ్యంలో వారిద్దరూ రీఎంట్రీ ఇవ్వాలనుకుంటే కచ్చితంగా ఆడాలి’ అని ట్వీట్ చేశారు.
News November 30, 2025
ఇతిహాసాలు క్విజ్ – 82 సమాధానాలు

నేటి ప్రశ్న: సూర్యుడిని భానుడు అని ఎందుకు అంటారు?
సమాధానం: సంస్కృతంలో ‘భాను’ అంటే కాంతి, ప్రకాశం, వెలుగు అని అర్థం. సూర్యుడు సమస్త ప్రపంచానికి అంధకారాన్ని తొలగించి, నిత్యం వెలుగును, శక్తిని ప్రసాదిస్తాడు. అందుకే, సూర్యుడిని ప్రకాశాన్ని ఇచ్చేవాడు (భాస్కరుడు, భానుడు) అని కీర్తిస్తారు.
<<-se>>#Ithihasaluquiz<<>>
News November 30, 2025
జగన్ హయాంలో ఇరిగేషన్ నాశనం: మంత్రి నిమ్మల

AP: YS జగన్ హయాంలో రాష్ట్ర ఇరిగేషన్ వ్యవస్థ పూర్తిగా నాశనం అయిందని మంత్రి నిమ్మల రామానాయుడు విమర్శించారు. పశ్చిమ గోదావరి జిల్లాలో పర్యటించిన మంత్రి.. ఈ సందర్భంగా మీడియాతో మాట్లాడారు. కూటమి ప్రభుత్వం వచ్చాక శ్రీశైలం ప్లంజ్ పూల్, తుంగభద్ర గేట్లు, ధవళేశ్వరం బ్యారేజ్ కోసం మొత్తంగా రూ.400 కోట్లకు పైగా కేటాయించినట్లు తెలిపారు. మత్స్యకారులకు ఎన్నికల హామీ మేరకు భృతి రూ.20 వేలకి పెంచినట్లు చెప్పారు.


