News September 10, 2024

నల్లమల గడ్డ.. పులులకు అడ్డా

TG: నల్లమల అడవిలోని ఆమ్రాబాద్ టైగర్ రిజర్వ్ ఫారెస్టులో 34 పులులు ఉన్నట్లు అటవీ అధికారులు తెలిపారు. ఇందులో 11 మగ, 15 ఆడ, 8 పులి పిల్లలు ఉన్నట్లు చెప్పారు. వీటి సంఖ్య గతంలో కంటే 60 శాతం పెరిగినట్లు వెల్లడించారు. 1,806 ట్రాప్ కెమెరాలు ఏర్పాటు చేసి పులుల సంఖ్య లెక్కించినట్లు తెలిపారు. అలాగే పులుల ఆహారానికి అవసరమైన సాంబార్, స్పాటెడ్ డీర్, నీల్గాయి, అడవి పందులు సమృద్ధిగా ఉన్నట్లు పేర్కొన్నారు.