News January 5, 2025
సకలశాఖ మంత్రిగా నారా లోకేశ్: తాటిపర్తి
AP: మంత్రి నారా లోకేశ్ సకలశాఖ మంత్రిగా వ్యవహరిస్తున్నారని YCP నేత తాటిపర్తి చంద్రశేఖర్ విమర్శించారు. విద్యా వ్యవస్థలో లోకేశ్ ఏం సంస్కరణలు చేశారో చెప్పాలని నిలదీశారు. ‘కూటమి ప్రభుత్వం వచ్చాక రాష్ట్రంలోని అన్ని నియోజకవర్గాల్లో దోపిడీ పెరిగిపోయింది. కూటమి నేతలు చెప్పే మాటలకు, పనులకు పొంతన ఉందా? ఇప్పటివరకు ప్రజలకు ఏం చేశారో చెప్పాలి. సూపర్ సిక్స్ హామీల్లో ఒక్కటైనా నెరవేర్చారా?’ అని ఆయన ప్రశ్నించారు.
Similar News
News January 26, 2026
కొత్త మూవీ.. అయ్యప్పస్వామి భక్తుడిగా రవితేజ
మాస్ మహారాజా రవితేజ రూటు మార్చారు. అయ్యప్పస్వామి భక్తుడి పాత్రలో ఆయన కనిపించనున్నారు. రవితేజ బర్త్ డే సందర్భంగా మూవీ టైటిల్ను ‘ఇరుముడి’గా పేర్కొంటూ మేకర్స్ పోస్టర్ రిలీజ్ చేశారు. ‘ప్రతి ఎమోషన్ ఒక సెలబ్రేషన్’ అని పేర్కొన్నారు. తలపై ఇరుముడితో చిన్నారిని ఎత్తుకొని ఉన్న లుక్ ఆకట్టుకుంటోంది. శివ నిర్వాణ దర్శకత్వం వహిస్తున్న ఈ సినిమాకు మైత్రీ మూవీ మేకర్స్ నిర్మాతగా వ్యవహరిస్తోంది.
News January 26, 2026
3 ట్రిలియన్ డాలర్ల ఆర్థికశక్తిగా ఎదగడమే లక్ష్యం: జిష్ణుదేవ్ వర్మ
TG: అభివృద్ధిలో తెలంగాణ దేశానికి ఆదర్శంగా నిలుస్తోందని గవర్నర్ జిష్ణుదేవ్ వర్మ అన్నారు. 3 ట్రిలియన్ డాలర్ల ఆర్థికశక్తిగా TG ఎదగాలన్నదే కాంగ్రెస్ ప్రభుత్వ లక్ష్యమని చెప్పారు. వికసిత్ భారత్కు అనుగుణంగా అభివృద్ధి ప్రణాళికలు చేస్తున్నట్లు రిపబ్లిక్ డే వేడుకల్లో ప్రసంగించారు. క్యూర్, ప్యూర్, రేర్ విధానాలతో ముందుకెళ్తోందని తెలిపారు. ఈ ప్రభుత్వం విద్య, వైద్యాన్ని ప్రాధాన్యతగా తీసుకుందన్నారు.
News January 26, 2026
RITES లిమిటెడ్లో 18 పోస్టులు.. అప్లైకి రేపే లాస్ట్ డేట్
RITES లిమిటెడ్లో 18 ఇంజినీరింగ్ ప్రొఫెషనల్స్ పోస్టులకు అప్లై చేయడానికి రేపే ఆఖరు తేదీ. పోస్టును బట్టి సంబంధిత విభాగంలో BE/BTech, ME/MTech, MBA/PGDBM/PGDM/PGDHRM ఉత్తీర్ణతతో పాటు పని అనుభవం గలవారు అప్లై చేసుకోవచ్చు. రాత పరీక్ష, ఇంటర్వ్యూ ద్వారా ఎంపిక చేస్తారు. జీతం నెలకు రూ.40,000-రూ.2,80,000 వరకు చెల్లిస్తారు. దరఖాస్తు ఫీజు రూ.600, SC, ST, PwBD, EWSలకు రూ.300. వెబ్సైట్: rites.com/