News April 16, 2024
అభివృద్ధికి నక్సలిజం అతిపెద్ద శత్రువు: అమిత్ షా
ఛత్తీస్‌గఢ్‌ ఎన్‌కౌంటర్‌పై కేంద్రమంత్రి అమిత్ షా ట్వీట్ చేశారు. ‘ఈరోజు భారీ సంఖ్యలో నక్సలైట్లు హతమయ్యారు. ఈ ఆపరేషన్‌ను ధైర్య సాహసాలతో విజయవంతం చేసిన భద్రతా సిబ్బందిని అభినందిస్తున్నా. గాయపడిన పోలీసులు త్వరగా కోలుకోవాలని ఆకాంక్షిస్తున్నా. అభివృద్ధి, శాంతి, యువత భవిష్యత్తుకు నక్సలిజం అతిపెద్ద శత్రువు. ప్రధాని మోదీ నాయకత్వంలో నక్సలిజం నుంచి దేశాన్ని విముక్తి చేయాలని నిశ్చయించుకున్నాం’ అని తెలిపారు.
Similar News
News November 18, 2024
BGTలో అత్యధిక రన్స్ చేసిన ఆటగాళ్లు
బోర్డర్ గవాస్కర్ ట్రోఫీ చరిత్రలో అత్యధిక రన్స్ చేసిన యాక్టివ్ ప్లేయర్లలో పుజారా టాప్‌లో ఉన్నారు. 24 టెస్టులు ఆడిన ఆయన 2,033 రన్స్ చేశారు. ఆ తర్వాతి స్థానాల్లో వరుసగా విరాట్ కోహ్లీ (24 టెస్టులు, 1979 రన్స్), స్టీవ్ స్మిత్ (18 T, 1887 R), రహానే (17 T, 1090 R), లబుషేన్ (9 T, 708 R) ఉన్నారు. కాగా పుజారా, రహానే ఈనెల 22 నుంచి జరగనున్న సిరీస్‌కు ఎంపిక కాలేదన్న విషయం తెలిసిందే.
News November 18, 2024
OTTలోకి వచ్చేసిన నయనతార డాక్యుమెంటరీ
నయనతార కెరీర్, ప్రేమ, పెళ్లిపై ‘నెట్‌ఫ్లిక్స్’ రూపొందించిన డాక్యుమెంటరీ విడుదలైంది. హిందీ, తెలుగు, ఇంగ్లిష్, తమిళ భాషల్లో ‘నెట్‌ఫ్లిక్స్’లో స్ట్రీమింగ్ అవుతోంది. ఇవాళ ఆమె పుట్టినరోజు సందర్భంగా ‘నయనతార-బియాండ్ ది ఫెయిరీ టేల్’ టైటిల్‌తో ప్రేక్షకుల ముందుకు తీసుకొచ్చారు. ఇందులో ‘నానుం రౌడీదాన్’ మూవీకి సంబంధించిన ఫుటేజ్ వాడుకోవడంపై <<14626837>>నయన్‌, హీరో ధనుష్ మధ్య వివాదం<<>> తలెత్తిన సంగతి తెలిసిందే.
News November 18, 2024
వినూత్నం: చెక్కతో చేసిన ఉపగ్రహం
ప్రపంచంలో చెక్కతో తయారుచేసిన మొట్ట మొదటి ఉపగ్రహం ‘లిగ్నోశాట్’ను ఈనెల 5న అంతరిక్షంలోకి పంపారు. క్యోటో యూనివర్సిటీ & సుమిటోమో ఫారెస్ట్రీ పరిశోధకులు దీనిని అభివృద్ధి చేశారు. ఈ వినూత్న ఉపగ్రహం స్పేస్‌ఎక్స్ మిషన్ ద్వారా అంతర్జాతీయ అంతరిక్ష కేంద్రానికి చేరుకుంటుంది. భవిష్యత్తులో మూన్ & మార్స్‌పై అన్వేషణ కోసం కలపను పునరుత్పాదక పదార్థంగా ఉపయోగించవచ్చో లేదో పరీక్షించడం ఈ మిషన్ ఉద్ధేశ్యం.