News July 11, 2024
నీట్ పేపర్ లీకేజీ.. కీలక సూత్రధారి అరెస్ట్
నీట్ పేపర్ లీకేజీ కేసులో కీలక సూత్రధారిగా భావిస్తున్న రాజేశ్ రంజన్ అనే వ్యక్తిని CBI అధికారులు పట్నాలో అరెస్ట్ చేశారు. నిందితుడిని స్థానిక కోర్టు 10రోజుల సీబీఐ కస్టడీకి అనుమతించింది. అలాగే పట్నా, కోల్‌కతాలో సోదాలు చేసిన CBI.. కీలక దస్త్రాలు స్వాధీనం చేసుకుంది. ఇప్పటి వరకు ఈ కేసులో పది మందికి పైగా అరెస్ట్ అయ్యారు. కాగా నీట్ లీకేజీపై దాఖలైన పిటిషన్లపై విచారణను సుప్రీంకోర్టు జులై 18కి వాయిదా వేసింది.
Similar News
News November 28, 2025
స్నానం చేయించే మెషీన్.. ధర ఎంతంటే?
మనుషులకు స్నానం చేయించే యంత్రం ఇప్పుడు జపాన్‌లో అమ్మకానికి వచ్చింది. వాషింగ్ మెషీన్‌లా కనిపించే ఈ పరికరంలో వ్యక్తి పడుకుని మూత మూసుకుంటే.. శరీరాన్ని శుభ్రం చేస్తుంది. ఒసాకా ఎక్స్‌పోలో భారీ ఆదరణ పొందిన ఈ ‘హ్యూమన్ వాషింగ్ మెషీన్’ను సైన్స్ కంపెనీ తయారు చేసింది. మొదటి మెషీన్‌ను ఒసాకాలోని ఓ హోటల్ కొనుగోలు చేసింది. దీని ధర సుమారు రూ.3.4 కోట్లు (60M యెన్) ఉంటుందని అక్కడి మీడియా పేర్కొంది.
News November 28, 2025
గ్లోబల్ సమ్మిట్‌కు హాజరయ్యే ప్రముఖులు వీరే
TG: హైదరాబాద్‌లో డిసెంబర్ 8, 9 తేదీల్లో జరిగే గ్లోబల్ సమ్మిట్‌కు దేశవిదేశాల ప్రముఖులు హాజరుకానున్నారు. బ్రిటన్ మాజీ ప్రధాని టోనీ బ్లెయిర్, ట్రంప్ మీడియా అండ్ టెక్నాలజీ గ్రూప్ డైరెక్టర్ ఎరిక్ స్విడర్, ఆనంద్ మహీంద్రా, UAE రాయల్ ఫ్యామిలీ సభ్యులు, వివిధ అంతర్జాతీయ, టెక్ కంపెనీల CEOలు ఈ సదస్సులో పాల్గొననున్నారు. పెట్టుబడిదారులు, స్టార్టప్ ఫౌండర్లూ రానున్నారు.
News November 28, 2025
సర్పంచ్ పదవి కోసమే పెళ్లి.. చివరకు!
TG: సర్పంచ్ అయ్యేందుకు హుటాహుటిన పెళ్లి చేసుకొని బోల్తా పడిన ఓ వ్యక్తిని నెటిజన్లు తెగ ట్రోల్స్ చేస్తున్నారు. కరీంనగర్(D) నాగిరెడ్డిపూర్ సర్పంచ్ స్థానం ఎస్సీ మహిళకు రిజర్వ్ అయింది. దీంతో సర్పంచ్ అవ్వడం కోసం ముచ్చె శంకర్‌ వెంటనే నల్గొండ(D)కు చెందిన మహిళను పెళ్లి చేసుకోవాలనుకున్నాడు. మొన్న పెళ్లి జరగ్గా ఓటర్‌గా దరఖాస్తు చేయడంలో ఆలస్యం అయింది. ఆలోపే నోటిఫికేషన్ రావడంతో అతనికి నిరాశే మిగిలింది.