News July 29, 2024
2-3 రోజుల్లో నీట్ రాష్ట్రస్థాయి ర్యాంకులు
TG: రివైజ్డ్ నీట్ ఫలితాలను NTA విడుదల చేసిన నేపథ్యంలో 2-3 రోజుల్లో రాష్ట్ర స్థాయి ర్యాంకులు విడుదల కానున్నాయి. తాజా ఫలితాల్లో చాలామంది ర్యాంకులు మారడంతో DGHS రాష్ట్రాల వారీగా అభ్యర్థుల ర్యాంకుల జాబితాను సిద్ధం చేస్తోంది. తొలుత MBBS, BDS సీట్ల కోసం ఆలిండియా ర్యాంక్ ఆధారంగా మెరిట్ జాబితా రూపొందిస్తారు. ఆ తర్వాత ర్యాంకులు విడుదల చేస్తారు. అనంతరం హెల్త్ యూనివర్సిటీ కౌన్సెలింగ్ ప్రారంభించనుంది.
Similar News
News December 20, 2025
కొత్త భవనాలకు ‘గ్రీన్ బిల్డింగ్ కోడ్’: విజయానంద్
AP: ఇంధన పరిరక్షణ, నెట్ కార్బన్ జీరో లక్ష్యంగా ప్రభుత్వం పని చేస్తోందని CS విజయానంద్ పేర్కొన్నారు. ‘కొత్త భవనాలకు ప్లాన్ శాంక్షన్ కావాలంటే తప్పనిసరిగా ఎనర్జీ ఎఫీషియెంట్ ఎక్విప్మెంట్ వాడాలనే నిబంధన (Green Building Code)ను తీసుకువచ్చాం. ప్రతి గ్రామంలో సోలార్ రూఫ్ ఏర్పాటును ప్రోత్సహించేలా గ్రీన్ ఎనర్జీ పాలసీ పెట్టాం. ఇంధన పొదుపుపై అవగాహనకు స్కూళ్లలో ఎనర్జీ లిటరసీ క్లబ్స్ నెలకొల్పాం’ అని వివరించారు.
News December 20, 2025
ఒకరికొకరు తోడుగా విధినే గెలిచిన జంట ❤️
‘ధర్మార్ధ కామములలోన ఏనాడు నీతోడు ఎన్నడూ నే విడిచిపోను.. ఈ బాస చేసి ఇక నిండు నూరేళ్లు నీ నీడనై నిలిచి కాపాడుతాను’ అనే పాటకు నిదర్శనం ‘Family Man’ నటుడు షరీబ్(JK). ఈయన 2003లో నస్రీన్ను పెళ్లాడారు. ఆరంభంలో ఆమె తన కష్టార్జితంతో భర్తను ప్రోత్సహించారు. తర్వాత నస్రీన్ నోటి క్యాన్సర్ బారిన పడగా భర్త అండగా నిలిచారు. 4సర్జరీల తర్వాత ఆమె కోలుకున్నారు. ఒకరికొకరు తోడుగా నిలిచి గెలిచిన ఆ జంట ఎందరికో ఆదర్శం.
News December 20, 2025
ఒత్తిడిని జయించేలా మీ పిల్లలను తీర్చిదిద్దండి!
నేటి పోటీ ప్రపంచంలో పిల్లలు కేవలం పుస్తకాలకే పరిమితమై చిన్నపాటి ఒత్తిడిని కూడా తట్టుకోలేకపోతున్నారు. ఈ పరిస్థితి మారాలంటే పిల్లలకు చదువుతో పాటు ఎక్స్ట్రా కరిక్యులర్ యాక్టివిటీస్ (క్రీడలు, సంగీతం, పెయింటింగ్ వంటివి) నేర్పించాలని నిపుణులు సూచిస్తున్నారు. వీటిలో అద్భుత ప్రతిభ కనబరచకపోయినా నిత్యం సాధన చేయడం వల్ల వారిలో క్రమశిక్షణ, ఓర్పు పెరుగుతాయంటున్నారు. వారు మానసికంగా కూడా దృఢంగా తయారవుతారట.