News June 24, 2024

గనులు-భూగర్భ, ఎక్సైజ్ శాఖలో త్వరలో కొత్త పాలసీలు: మంత్రి కొల్లు

image

ఏపీలో గనులు-భూగర్భ శాఖ, ఎక్సైజ్ శాఖలో త్వరలో కొత్త పాలసీలను తీసుకొస్తామని మంత్రి కొల్లు రవీంద్ర తెలిపారు. ఇవాళ ఈ రెండు శాఖల మంత్రిగా ఆయన బాధ్యతలు స్వీకరించారు. రాష్ట్రంలోని ఖనిజ సంపదను గత ప్రభుత్వంలోని నాయకులు సొంత అవసరాలకు వాడుకున్నారని ఆరోపించారు. ఎక్సైజ్ శాఖను భ్రష్టు పట్టించారని విమర్శించారు. గత ఐదేళ్లలో జరిగిన అక్రమాలను బయటకు తీసి చట్టపరమైన చర్యలు తీసుకుంటామని పేర్కొన్నారు.

Similar News

News November 30, 2025

రాష్ట్ర హక్కుల కోసం పోరాడండి: YS జగన్

image

AP: పార్లమెంటులో రాష్ట్ర హక్కుల కోసం పోరాడాలని YCP అధినేత జగన్ పార్టీ MPలకు సూచించారు. రేపటి నుంచి ప్రారంభం కానున్న పార్లమెంటు శీతాకాల సమావేశాల్లో.. మొంథా తుఫాన్ వల్ల పంట నష్టం, మద్దతు ధర, రైతులపై ఆర్థిక భారం వంటివి ప్రధాన సమస్యలుగా చర్చించాలన్నారు. విశాఖ స్టీల్ ప్లాంట్ ప్రైవేటీకరణ, సంక్షేమ హాస్టళ్లలో పరిస్థితులు, పోలీస్ వ్యవస్థ దుర్వినియోగంపైనా ఎంపీలు తమ గళం వినిపించాలని ఆదేశించారు.

News November 30, 2025

రిలీజ్‌కు ముందే “స్పిరిట్” రికార్డ్!

image

ప్రభాస్- సందీప్ రెడ్డి వంగా కాంబోలో తెరకెక్కుతున్న యాక్షన్ డ్రామా “స్పిరిట్” మూవీ షూటింగ్ ఇటీవల ప్రారంభమైన విషయం తెలిసిందే. ఇందులో ప్రభాస్ పోలీస్ పాత్రలో కనిపించనున్నారు. తాజాగా ఈ మూవీ డిజిటల్ హక్కులు అన్ని భాషల్లో కలిపి రూ.160 కోట్ల రికార్డు ధరకు అమ్ముడైనట్లు తెలుస్తోంది. ముందే భారీ డీల్ జరిగిందన్న వార్తలు మూవీపై క్రేజ్ మరింత పెంచుతున్నాయి. ఈ సినిమాలో హీరోయిన్‌గా త్రిప్తి దిమ్రి నటిస్తున్నారు.

News November 30, 2025

త్వరలో కొత్త మద్యం బ్రాండ్లు!

image

TG: కొత్త లైసెన్స్ పొందిన మద్యం దుకాణాలు రేపటి నుంచి అమ్మకాలు ప్రారంభించనున్నాయి. త్వరలో కొత్త బ్రాండ్లు కూడా అందుబాటులోకి రానున్నాయి. దేశ, విదేశాలకు చెందిన ప్రముఖ కంపెనీల నుంచి వచ్చిన 600కు పైగా దరఖాస్తులను ఎక్సైజ్ శాఖ పరిశీలిస్తోంది. కాగా FY26లో రూ.28,000 కోట్ల ఆదాయం సాధించాలని ప్రభుత్వం లక్ష్యంగా పెట్టుకుంది. కొత్త బ్రాండ్లను అనుమతించడం వల్ల ఆదాయం పెరుగుతుందని అధికారులు అంచనా వేస్తున్నారు.