News February 27, 2026
NGKL: తాగునీటి ఎద్దడికి ముందస్తు చర్యలు: కలెక్టర్!
రాబోయే వేసవిలో జిల్లాలో తాగునీటి సమస్య తలెత్తకుండా అధికారులు సమన్వయంతో ముందస్తు చర్యలు చేపట్టాలని నాగర్కర్నూల్ జిల్లా కలెక్టర్ బాదావత్ సంతోష్ ఆదేశించారు. గురువారం కలెక్టరేట్లో నిర్వహించిన సమీక్షలో ఆయన మాట్లాడుతూ.. గ్రామాలు, పట్టణాల్లో నీటి పంపులు, పైప్లైన్ల మరమ్మతులు వెంటనే పూర్తి చేయాలన్నారు. ప్రజలకు ఇబ్బందులు కలగకుండా పారిశుధ్య పనులపై కూడా దృష్టి సారించాలని అధికారులను సూచించారు.
Similar News
News April 14, 2026
మరోసారి తెలుగు సినిమాలో ఆలియా?
అందంతో పాటు విలక్షణమైన నటనతో సినీ ప్రేక్షకుల్లో ప్రత్యేక స్థానాన్ని సంపాదించుకున్నారు ఆలియా భట్. ఆమె తెలుగులో ఇప్పటివరకు ఒక్క సినిమాలోనే(RRR) నటించారు. త్వరలోనే మరో మూవీలో నటించనున్నట్లు తెలుస్తోంది. NTR-NEEL మూవీలో ఓ కీలక పాత్రలో నటించేందుకు ఆమె ఓకే చెప్పినట్లు సమాచారం. దీనిపై త్వరలో అధికారిక ప్రకటన రానుందని సినీ వర్గాలు తెలిపాయి. ఆలియా ప్రస్తుతం ‘ఆల్ఫా’, ‘లవ్&వార్’ సినిమాల్లో నటిస్తున్నారు.
News April 14, 2026
రేవంత్ చెబుతున్న హైబ్రిడ్ నమూనా ఎక్కడా లేదు: కిషన్ రెడ్డి
TG: డీలిమిటేషన్తో దక్షిణాదికి ఎలాంటి అన్యాయం జరగదని కేంద్ర మంత్రి కిషన్ రెడ్డి తెలిపారు. అన్ని రాష్ట్రాలకు సమన్యాయం జరగాలన్నదే తమ విధానమన్నారు. ‘రేవంత్ చెబుతున్న <<19646674>>హైబ్రిడ్ నమూనా<<>> ఎక్కడా లేదు. TGలో ఆ విధానాన్ని అమలు చేస్తే ఆదిలాబాద్కు సీట్లు తగ్గించి HYDకు పెంచుతారా? రాష్ట్ర ఆదాయంలో 70% HYD నుంచే వస్తోంది. అలాంటప్పుడు 70% సీట్లు HYDలోనే ఉండాలా’ అని ప్రెస్మీట్లో ప్రశ్నించారు.
News April 14, 2026
గద్వాల్: చేనేత కార్మికులకు శుభవార్త
జోగులాంబ గద్వాల జిల్లా చేనేత కార్మికులకు ప్రభుత్వం శుభవార్త చెప్పింది. చేనేత కార్మికులు ఎదురుచూస్తున్న చేనేత భరోసా పథకం ఈ నెల 16న గద్వాలలోని అనంత కన్వెన్షన్ ఫంక్షన్ హాల్లో ప్రారంభించనున్నట్లు ఏడీవో బాలకృష్ణ తెలిపారు. చేనేత రుణమాఫీ, చేనేత భరోసా, చేనేత భీమా పథకాలకు సంబంధించిన చెక్కులను గురువారం జిల్లా కలెక్టర్, ఎమ్మెల్యే పంపిణీ చేయనున్నారు. ఈ కార్యక్రమానికి కార్మికులందరూ రావాలని ఆహ్వానించారు.