News October 9, 2024
NGKL: కొల్లాపూర్ ఆర్డీవో సస్పెండ్
విధుల పట్ల నిర్లక్ష్యంగా ఉన్నారని కొల్లాపూర్ RDO నాగరాజును సస్పెండ్ చేస్తూ రెవెన్యూ శాఖ ఉత్తర్వులు ఇచ్చింది. పద్ధతి మార్చుకోవాలని జిల్లా ఉన్నతాధికారులు పలుమార్లు హెచ్చరించినా మారకపోవడంతో చర్యలు తీసుకున్నట్లు తెలిసింది. కాగ ఆయన 2 నెలల్లో రిటైర్డ్ కానున్నారు. ధరణి విషయంలో నిర్లక్ష్యంగా వ్యవహరించడం, సమస్యలకు రైతులకు సరైనా సమాధానం ఇవ్వడం లేదని పలువురు ఫిర్యాదు చేశారు. ఇప్పటికే అవినీతి అరోపణలు ఉన్నాయి.
Similar News
News November 8, 2025
MBNR: ఈనెల 10, 11న ఖో-ఖో ఎంపికలు
మహబూబ్‌నగర్ జిల్లా స్కూల్ గేమ్స్ ఫెడరేషన్ (SGF) ఆధ్వర్యంలో అండర్-14, అండర్-17 బాల, బాలికల ఖో-ఖో జట్ల ఎంపికలను డీఎస్ఏ స్టేడియంలో నిర్వహిస్తున్నట్లు కార్యదర్శి డాక్టర్ ఆర్. శారదాబాయి తెలిపారు. ఈ నెల 10న అండర్-14, 11న అండర్-17 ఎంపికలు జరుగుతాయన్నారు. ఆసక్తిగల క్రీడాకారులు బోనఫైడ్, ఆధార్ జిరాక్స్‌లతో ఉదయం 9 గంటలలోపు పీడీ మొగులాల్ (99859 05158)ను సంప్రదించాలని సూచించారు.
News November 7, 2025
హిందువులు సత్తా చాటాలి: MP డీకే అరుణ
2 లక్షలకు పైగా ఉన్న హిందువులంతా ఏకమై జూబ్లీహిల్స్ ఊప ఎన్నికల్లో బీజేపీ అభ్యర్థిని గెలిపించి సత్తా చాటాలని ఎంపీ డీకే అరుణ పిలుపునిచ్చారు. లంకల దీపక్ రెడ్డికి మద్దతుగా బోడబండలో నిర్వహించిన బహిరంగ సభలో ఎంపీ పాల్గొని మాట్లాడారు. గత పదేళ్లలో బీఆర్ఎస్ జూబ్లీహిల్స్‌లో అభివృద్ధి చేయలేదని, ప్రస్తుతం అధికారంలో ఉన్న కాంగ్రెస్ రెండేళ్ల పాలనలో చేసిన అభివృద్ధి శూన్యమని ఆమె విమర్శించారు.
News November 7, 2025
దళితులైతే దాడులు చేస్తారా?: మందకృష్ణ మాదిగ
సుప్రీంకోర్టు ప్రధాన న్యాయమూర్తి బీఆర్‌ గవాయిపై కాలు, బూటుతో దాడి చేయడాన్ని MRPS వ్యవస్థాపక అధ్యక్షుడు మందకృష్ణ మాదిగ తీవ్రంగా ఖండించారు. ఆయన దళితుడు అయినందువల్లే ఇలాంటి దాడులకు పాల్పడ్డారని ఆయన మండిపడ్డారు. పాలమూరు విశ్వవిద్యాలయంలో గురువారం జరిగిన సమావేశంలో ఆయన మాట్లాడుతూ.. ఈనెల 17న నిర్వహిస్తున్న ‘చలో ఢిల్లీ’ కార్యక్రమాన్ని పీయూ నుంచి భారీ సంఖ్యలో పాల్గొని విజయవంతం చేయాలని పిలుపునిచ్చారు.