News February 11, 2025
NGKL: బైక్ కొనివ్వనన్నందుకు తండ్రి ఆత్మహత్యాయత్నం
కోడేరు మండల కేంద్రంలో ఓ వ్యక్తి పురుగు మందు తాగి ఆత్మహత్యకు యత్నించిన ఘటన నిన్న చోటుచేసుకుంది. స్థానికుల వివరాలిలా.. కోడేరుకు చెందిన వెంకటశేషయ్య బైక్ కొనివ్వాలని తన కొడుకుని అడిగారు. దీనికి కొడుకు అంగీకరించకపోవటంతో.. ఎవరూ లేని సమయంలో పురుగుమందు తాగారు. స్థానికులు గమనించి ఆసుపత్రికి తరలించారు.
Similar News
News February 22, 2026
సకల దేవతా స్వరూపమే ‘గోమాత’
గోవు ప్రాణి మాత్రమే కాదు. ముక్కోటి దేవతల నిలయం. గోమాత శరీరంలోని ప్రతి భాగంలోనూ ఓ దేవత కొలువై ఉంటారు. ముఖం మధ్యలో శివుడు, కళ్లలో సూర్యచంద్రులు, చెవులలో అశ్వినీ దేవతలు, మెడ భాగంలో బ్రహ్మ, రాహు, కేతువులు, కాళ్లలో సరస్వతి, విష్ణుమూర్తి, విశ్వామిత్రుడు కొలువై ఉంటారు. ఉదరంలో భూమాత, తోకలో నాగరాజు, కొమ్ములలో ఇంద్రుడు నివసిస్తారు. అందుకే గోపూజ చేయడం వల్ల సకల దేవతలను ఆరాధించిన పుణ్యం లభిస్తుంది.
News February 22, 2026
సన్స్క్రీన్ ఎలా వాడాలంటే?
కాలంతో సంబంధం లేకుండా సన్స్క్రీన్ రోజూ వాడాలని నిపుణులు సూచిస్తున్నారు. బ్రాడ్-స్పెక్ట్రమ్ సన్స్క్రీన్ను ముఖం, మెడకు రాయాలి. బయటికి వెళ్లేందుకు 15నిమిషాల ముందు రాసుకోవాలి. తేమ ఎక్కువగా ఉన్నా, చెమట పట్టినప్పుడు, స్విమ్మింగ్ తర్వాత సన్స్క్రీన్ మళ్లీ రాసుకోవాలి. సున్నితమైన చర్మం ఉన్నవారు జింక్ ఆక్సైడ్ లేదా టైటానియం డయాక్సైడ్ ఉండే మినరల్-బేస్డ్ సన్స్క్రీన్లను వాడడం మంచిదని సూచిస్తున్నారు.
News February 22, 2026
గోవిందరావుపేట ఎంపీడిఓ కార్యాలయంలో మంటలు
గోవిందరావుపేట ఎంపీడీఓ కార్యాలయంలో అకస్మాత్తుగా మంటలు చెలరేగాయి. కార్యాలయంలోని ముఖ్య ఫైళ్లు అగ్నికి ఆహుతవుతున్నట్లు సమాచారం. ఘటనతో సిబ్బంది భయాందోళనకు గురయ్యారు. సమాచారం అందుకున్న అగ్నిమాపక సిబ్బంది ఘటనాస్థలికి చేరుకుని మంటలను అదుపులోకి తీసుకువచ్చేందుకు ప్రయత్నిస్తున్నారు. షార్ట్ సర్క్యూట్ కారణమా? లేక ఇతర కారణాలా? అన్న దానిపై విచారణ కొనసాగుతోంది.