News December 19, 2025

NGKL: వ్యవసాయ పొలాల్లో పెద్దపులి జాడలు

కొల్లాపూర్ రేంజ్ పరిధిలోని ఎంగంపల్లి తండా గ్రామ శివారులోని వ్యవసాయ పొలాల్లో పెద్దపులి పాదముద్రలు కనిపించడంతో రైతులు భయాందోళనకు గురయ్యారు. సమాచారం అందిన వెంటనే అటవీశాఖ అధికారులు సంఘటనా స్థలాన్ని పరిశీలించి అవి పెద్దపులి జాడలేనని నిర్ధారించారు. రాత్రివేళ పొలాల వద్దకు ఒంటరిగా వెళ్లవద్దని, పులి సంచారం గమనిస్తే వెంటనే అటవీశాఖకు సమాచారం ఇవ్వాలని సూచించారు. ప్రజలు అప్రమత్తంగా ఉండాలని కోరారు.