News January 7, 2025
NLG: ఓటర్ల లెక్క తేలింది.. ‘ఆమె’దే ఆదిపత్యం!
ఉమ్మడి నల్గొండ జిల్లాలో ఓటర్ల లెక్క తేలింది. ఓటర్ తుది జాబితాను ఎన్నికల సంఘం ప్రకటించింది. మొత్తం 29,75,286 మంది ఓటర్లు ఉన్నారు. ఇందులో పురుషులకన్న మహిళా ఓటర్లు 48,797 మంది అధికంగా ఉన్నారు. పురుష ఓటర్లు 14,63,142 మంది ఉండగా, మహిళా ఓటర్లు 15,11,939, ట్రాన్స్ జెండర్లు 2005 మంది ఉన్నారు. 2023 నవంబర్లో జరిగిన అసెంబ్లీ ఎన్నికల ఓటర్ జాబితాతో పోల్చితే ప్రస్తుతం ఓటర్ల సంఖ్య భారీగా పెరిగింది.
Similar News
News January 21, 2025
NLG: ఆస్తులు అమ్మి పంపాం: రవితేజ తండ్రి
అమెరికాలో దోపిడీ దొంగలు జరిపిన కాల్పుల్లో NLG జిల్లాకు చెందిన రవితేజ <<15210729>>దారుణ హత్యకు<<>> గురైన సంగతి తెలిసిందే. ‘HYDలో క్యాబ్ డ్రైవర్గా పని చేస్తున్నాను. ఉన్న పొలాన్ని మొత్తం అమ్మి రవితేజను ఉన్నత చదువుల కోసం 2022లో అమెరికా పంపాం. MS పూర్తి చేసిన రవితేజ ఉద్యోగాన్వేషణలో ఉన్నాడు. తాత్కాలికంగా ఓ రెస్టారెంట్లో పనిచేస్తూ ఫుడ్ డెలివరీ చేసి వస్తుండగా ఈ ఘటన జరిగింది’ అని రవితేజ తండ్రి ఆవేదన వ్యక్తం చేశారు.
News January 21, 2025
దుశ్చర్లకు ప్రతిష్ఠాత్మక అవార్డు
తనకున్న 70 ఎకరాల విస్తీర్ణంలో అడవిని సృష్టించిన సూర్యాపేట జిల్లా మోతె మండలం రాఘవపురానికి చెందిన దుశ్చర్ల సత్యనారాయకు తెలంగాణ గవర్నర్ అవార్డ్స్ ఫర్ ఎక్సలెన్స్ 2024 అవార్డు వరించింది. వివిధ రంగాల్లో సేవలందించిన వ్యక్తులు, సంస్థలకు ఈ అవార్డు అందిస్తారు. గవర్నర్ జిష్ణుదేశ్ వర్మ ఈనెల 26న అవార్డును ప్రదానం చేయనున్నారు. రూ.2లక్షల నగదు, జ్ఞాపిక అందజేస్తారు.
News January 21, 2025
అమెరికాలో దొంగల కాల్పులు.. నల్గొండ యువకుడి మృతి
అమెరికాలో దోపిడీ దొంగలు జరిపిన కాల్పుల్లో నల్గొండ జిల్లాకు చెందిన రవితేజ సోమవారం <<15202639>>మృతిచెందాడు.<<>> రాబరీ కేసులో పారిపోతున్న దొంగలు అతడు ప్రయాణిస్తున్న కారుపై కాల్పులు జరిపి చంపేశారు. అనంతరం ఆ కారులోనే పారిపోయారు. రవితేజ స్వస్థలం చౌటుప్పల్ మండలం కొయ్యలగూడెం గ్రామం. గతంలో నల్గొండలో ఉన్న రవితేజ ఫ్యామిలీ ఇటీవల HYDకు షిఫ్ట్ అయ్యారు. ఇంతలోనే కుమారుడిని కోల్పోవడంతో కుటుంబంలో విషాదం నెలకొంది.