News March 22, 2025
NLG: టెన్త్ పేపర్ లీక్.. ఇన్విజిలేటర్ సస్పెండ్
నకిరేకల్ పట్టణం కడపర్తి రోడ్‌లోని ఎస్ఎల్బీసీ బాలిక గురుకుల పాఠశాల సెంటర్లో తెలుగు పేపర్ లీక్ వ్యవహారంలో డ్యూటీలో ఉన్న అధికారులను బాధ్యులుగా చేస్తూ వారిపై విద్యాశాఖ అధికారులు చర్యలు తీసుకున్నారు. పరీక్ష కేంద్ర సూపరింటెండెంట్‌ను డ్యూటీ నుంచి తొలగించి, ఇన్విజిలేటర్‌ను సస్పెండ్ చేసినట్లు MEO నాగయ్య తెలిపారు. పేపర్ లీకేజీకి సహకరించిన బాలికను కూడా డిబార్ చేశామన్నారు.
Similar News
News November 29, 2025
నల్గొండ: యాసంగికి సంసిద్ధం..!
నల్గొండ జిల్లాలో రైతులు యాసంగిలో పంటల సాగు కోసం సన్నద్ధమవుతున్నారు. ఓ వైపు వానాకాలం ధాన్యం అమ్మకాలు, మరోవైపు యాసంగి సాగుకు పొలం దున్నకం, వరి నార్లు పోసుకునే పనుల్లో అన్నదాతలు బిజీబిజీగా ఉన్నారు. జిల్లా వ్యాప్తంగా యాసంగిలో 6,57,229 ఎకరాల్లో పంటలు సాగవుతాయని వ్యవసాయ శాఖ అంచనా వేసింది. అందుకు తగ్గట్టుగా ఎరువులు, విత్తనాలను సిద్ధం చేసినట్లు జిల్లా వ్యవసాయ శాఖ అధికారి శ్రవణ్ కుమార్ తెలిపారు.
News November 29, 2025
నల్గొండ: ఆ రెండు ఖాతాల్లో ఏదో ఒకటి ఇవ్వాలి!
గ్రామ పంచాయతీ ఎన్నికల్లో పోటీ చేసే అభ్యర్థులు కొత్తగా బ్యాంకు ఖాతా తీసి ఇవ్వాలని జిల్లా కలెక్టర్ ఇలా త్రిపాఠి తెలిపారు. ఇప్పటికే బ్యాంకుల్లో అకౌంట్ ఉన్నప్పటికీ ఆ ఖాతా కాకుండా కొత్తగా అదే బ్యాంకులో కానీ, ఇతర బ్యాంకుల్లో ఖాతా తెరిచి ఇవ్వాలని తెలిపారు. ఒక వేళ బ్యాంకుల్లో అకౌంట్ తీయడం వీలుకాకపోతే పోస్టాఫీస్‌లో అకౌంట్ తీసి ఎన్నికల అధికారులకు అందించాలని తెలిపారు.
News November 29, 2025
నల్గొండ: పంచాయతీ ఎన్నికలు.. ఇదీ పరిస్థితి..!
పంచాయతీ ఎన్నికల నేపథ్యంలో నల్గొండ జిల్లాలోని పలు చోట్ల ఏకగ్రీవం చేసేందుకు ప్రధాన పార్టీల నాయకులు చూస్తున్నారు. ఇందుకు బుజ్జగింపులు, నగదు, పదవీ ఆశలు చూపుతూ పోటీ చేద్దామనుకునే వారిని తమ నిర్ణయం వెనక్కి తీసుకునేలా చేస్తున్నారు. ఇక పలు చోట్ల సర్పంచ్ పదవి కోసం వేలం పాటలు నిర్వహిస్తున్నారు. ఎవరు ఎక్కువ పాడితే వారినే ఏకగ్రీవంగా ఎన్నుకుంటున్నారు. అయితే ఇది నిబంధనలకు విరుద్ధమని అధికారులు చెబుతున్నారు.