News November 17, 2024

NLG: ప్రొవిజినల్ మెరిట్ లిస్ట్ రిలీజ్

image

నేషనల్ హెల్త్ మిషన్ పరిధిలో ఖాళీగా ఉన్న జిల్లా ప్రోగ్రాం అధికారి పోస్టు ఔట్ సోర్సింగ్ పద్ధతిలో భర్తీ చేయుటకు ఇచ్చిన నోటిఫికేషన్‌కు సంబంధించి ప్రొవిజినల్ మెరిట్ జాబితాను www.nalgonda.telangana.gov.in వెబ్‌సైట్‌లో ఆరోగ్య శాఖాధికారి కార్యాలయ నోటీస్ బోర్డులో ప్రకటించారని డీఎంహెచ్వో పుట్ల శ్రీనివాస్ ఒక ప్రకటనలో తెలిపారు. అభ్యంతరాలు ఉన్నట్లయితే సోమవారం మధ్యాహ్నం లోగా లిఖితపూర్వకంగా అందజేయాలన్నారు.

Similar News

News November 29, 2025

నల్గొండ: తొలి దశ నామినేషన్లకు నేడే ఆఖరు!

image

నల్గొండ జిల్లాలోని NLG, CDR రెవెన్యూ డివిజన్ పరిధిలో మొదటి దశ పోలింగ్ జరగనుంది. సర్పంచ్ ఎన్నికలకు గురువారం నామినేషన్ల ప్రక్రియ ప్రారంభించిన విషయం తెలిసిందే. 14 మండలాల్లో తొలిరోజు సర్పంచ్ స్థానాలకు 249, వార్డు స్థానాలకు 729 నామినేషన్లు దాఖలయ్యాయి. రెండో రోజు శుక్రవారం సర్పంచ్ స్థానాలకు 365, వార్డు స్థానాలకు 735 నామినేషన్లు దాఖలయ్యాయి. శనివారం సాయంత్రం వరకు నామినేషన్లను స్వీకరించనున్నారు.

News November 29, 2025

నల్గొండ: యాసంగికి సంసిద్ధం..!

image

నల్గొండ జిల్లాలో రైతులు యాసంగిలో పంటల సాగు కోసం సన్నద్ధమవుతున్నారు. ఓ వైపు వానాకాలం ధాన్యం అమ్మకాలు, మరోవైపు యాసంగి సాగుకు పొలం దున్నకం, వరి నార్లు పోసుకునే పనుల్లో అన్నదాతలు బిజీబిజీగా ఉన్నారు. జిల్లా వ్యాప్తంగా యాసంగిలో 6,57,229 ఎకరాల్లో పంటలు సాగవుతాయని వ్యవసాయ శాఖ అంచనా వేసింది. అందుకు తగ్గట్టుగా ఎరువులు, విత్తనాలను సిద్ధం చేసినట్లు జిల్లా వ్యవసాయ శాఖ అధికారి శ్రవణ్ కుమార్ తెలిపారు.

News November 29, 2025

నల్గొండ: ఆ రెండు ఖాతాల్లో ఏదో ఒకటి ఇవ్వాలి!

image

గ్రామ పంచాయతీ ఎన్నికల్లో పోటీ చేసే అభ్యర్థులు కొత్తగా బ్యాంకు ఖాతా తీసి ఇవ్వాలని జిల్లా కలెక్టర్ ఇలా త్రిపాఠి తెలిపారు. ఇప్పటికే బ్యాంకుల్లో అకౌంట్ ఉన్నప్పటికీ ఆ ఖాతా కాకుండా కొత్తగా అదే బ్యాంకులో కానీ, ఇతర బ్యాంకుల్లో ఖాతా తెరిచి ఇవ్వాలని తెలిపారు. ఒక వేళ బ్యాంకుల్లో అకౌంట్ తీయడం వీలుకాకపోతే పోస్టాఫీస్‌లో అకౌంట్ తీసి ఎన్నికల అధికారులకు అందించాలని తెలిపారు.