News June 9, 2024
NLG: అటు బడిబాట.. ఇటు బదిలీల బాట!
ఉమ్మడి జిల్లాలో విద్యార్థులను బడిలో చేర్పించే కార్యక్రమం ఆరంభమైన మరుసటి రోజే ఉపాధ్యాయుల బదిలీల బాట మొదలైంది. ఓ పక్క ఉపాధ్యాయులకు బడిబాట కార్యక్రమం అప్పగిస్తూనే మరో వైపు వారికి బదిలీకి అవకాశం కల్పించింది. దీంతో ఉపాధ్యాయులు చాలా వరకు బదిలీల కోసం ప్రయత్నాలు ప్రారంభించాల్సిన పరిస్థితి నెలకొంది. ఖాళీలు వెతుక్కోవడం, ఆప్షన్లు పెట్టుకోవడం వంటి పనుల్లో బిజీగా ఉంటున్నారు.
Similar News
News September 14, 2025
నల్గొండ: 26,692 కేసుల పరిష్కారం
జాతీయ లోక్ అదాలత్ జిల్లాలో విజయవంతంగా ముగిసింది. శనివారం ఒక్క రోజే 26,692 కేసులను పరిష్కరించినట్లు జిల్లా జడ్జి ఎం.నాగరాజు వెల్లడించారు. ఈ అదాలత్‌లో 71 సివిల్, 15,921 క్రిమినల్, 96 మోటార్ వాహన ప్రమాద బీమా, 50 బ్యాంక్, 73 సైబర్ క్రైమ్, 35 ట్రాన్స్‌కో, 10,446 ట్రాఫిక్ చలాన్ కేసులు రాజీ కుదిరి పరిష్కారమయ్యాయని తెలిపారు. ఈ కార్యక్రమాన్ని విజయవంతం చేసిన అందరికీ ఆయన కృతజ్ఞతలు తెలిపారు.
News September 14, 2025
NLG: తెప్ప తిరగబడి మత్స్యకారుడి మృతి
చేపలు పడుతుండగా ప్రమాదవశాత్తు చెరువులో పడి ఓ మత్య్సకారుడు మృతిచెందాడు. ఈ ఘటన శనివారం జరగ్గా ఆదివారం మృతదేహం లభ్యమైంది. మాడుగులపల్లి (M) గజలాపురం గ్రామానికి చెందిన సింగం యాదగిరి (37) ఈనెల 13న చేపలు పట్టేందుకు అతని కొడుకు వరుణ్ తేజ్‌తో కలిసి పానగల్ ఉదయ సముద్రం కట్ట వద్దకు వెళ్లాడు. ఒక్కసారిగా వర్షం కురిసి, బలమైన గాలికి తెప్ప ప్రమాదవశాత్తు తిరగబడి యాదగిరి చెరువులో మునిగి మృతి చెందాడు.
News September 14, 2025
నకిరేకల్‌లో టీచర్‌పై పోక్సో కేసు నమోదు
నకిరేకల్ జడ్పీహెచ్ఎస్‌ ఇంగ్లిష్ ఉపాధ్యాయుడు మామిడి శ్రీనివాస్‌పై పోక్సో కేసు నమోదైంది. పదో తరగతి విద్యార్థినిని మూడు నెలలుగా వేధిస్తున్నట్లు ఆమె తల్లిదండ్రులు పోలీసులకు ఫిర్యాదు చేశారు. విచారణ చేపట్టిన నకిరేకల్ పోలీసులు ఆరోపణలు నిర్ధారించుకుని ఉపాధ్యాయుడిపై పోక్సో కేసు నమోదు చేశారు.