News March 23, 2026
NLG: ‘రెండూళ్ల రామయ్య’..!
సాధారణంగా ఏ ఊరి గుడిలో వెలసిన దేవుడికి ఆ ఊరిలోనే పూజలు, ఉత్సవాలు జరగడం ఆనవాయితీ. కానీ, NLG జిల్లా నకిరేకల్ (M) చందుపట్ల, కేతేపల్లి (M) బండపాలెంలో వెలసిన సీతారామచంద్రస్వామి కథే వేరు. రెండు ఊర్ల భక్తిని ముడివేస్తూ.. ఇక్కడి స్వామివారు ‘రెండూళ్ల రామయ్య’గా ప్రసిద్ధి చెందారు. ఈ 2 గ్రామాల ప్రజల మధ్య శ్రీరాముడు వారధిగా నిలిచారు. ఏటా శ్రీరామనవమి సందర్భంగా స్వామివారి కళ్యాణం ఇక్కడే అట్టహాసంగా జరుగుతుంది.
Similar News
News March 26, 2026
NLG: వాతావరణ మార్పులతో మామిడి రైతుకు దెబ్బ
జిల్లాలో మారిన వాతావరణ పరిస్థితులు మామిడి దిగుబడిపై తీవ్ర ప్రభావం చూపుతున్నాయి. ఎండల తీవ్రతకు తోటల్లో పూత, పిందె రాలిపోతుండటంతో రైతులు ఆందోళన చెందుతున్నారు. జిల్లావ్యాప్తంగా సుమారు 20 వేల ఎకరాల్లో సాగవుతున్న మామిడికి ప్రస్తుత పరిస్థితులు ప్రతికూలంగా మారాయి. ప్రకృతి వైపరీత్యంతో పెట్టుబడులు కూడా దక్కవమోనని అన్నదాతలు ఆవేదన వ్యక్తం చేస్తున్నారు.
News March 26, 2026
నాగార్జునసాగర్: క్యాంటీన్ లేక టూరిస్టుల అవస్థలు
విజయవిహార్ వద్ద కనీస క్యాంటీన్ సౌకర్యం లేకపోవడంతో సందర్శకులు తీవ్ర ఇబ్బందులు పడుతున్నారు. దూర ప్రాంతాల నుంచి వచ్చే పర్యాటకులకు తాగునీరు, తినుబండారాలు దొరకక ఇబ్బందికరంగా మారింది. ముఖ్యంగా కుటుంబాలతో వచ్చే వారు తీవ్ర అసౌకర్యానికి గురవుతున్నారు. సంబంధిత పర్యాటక శాఖ అధికారులు స్పందించి, వెంటనే అక్కడ క్యాంటీన్ ఏర్పాటు చేసి కనీస వసతులు కల్పించాలని పర్యాటకులు విజ్ఞప్తి చేస్తున్నారు.
News March 26, 2026
NLG: వానాకాలం సాగుకు ‘కార్యాచరణ’ సిద్ధం!
రాబోయే వానాకాలం సీజన్కు సంబంధించి జిల్లా వ్యవసాయ శాఖ యాక్షన్ ప్లాన్ను ప్రభుత్వానికి నివేదించింది. జిల్లా వ్యాప్తంగా సాగు విస్తీర్ణం, ఎరువుల అవసరం వంటి అంశాలపై సమగ్ర నివేదికను సిద్ధం చేసిన అధికారులు, ఈసారి రికార్డు స్థాయి సాగును అంచనా వేస్తున్నారు. ఈ వానాకాలం సీజన్లో జిల్లావ్యాప్తంగా మొత్తం 12.02 లక్షల ఎకరాల్లో పంటలు సాగయ్యే అవకాశం ఉందని అంచనా వేశారు. సింహభాగం వరి, పత్తి పంటలదే కావడం విశేషం.