News December 23, 2024

NLR: పాపం.. బిర్యానీలో విషం పెట్టి చంపేశారు..!

image

అందరూ అయ్యో పాపం అనేలా ఉమ్మడి నెల్లూరు జిల్లాలో సోమవారం దారుణ ఘటన వెలుగు చూసింది. సూళ్లూరుపేట గాండ్ల వీధి షార్ బ్రిడ్జి కింద పదుల సంఖ్యలో కుక్కలు చనిపోయాయి. ఎవరో కావాలనే బిర్యానీలో విషం పెట్టి కుక్కలను చంపేశారని స్థానికులు చెబుతున్నారు. వాటితో ఇబ్బంది ఉంటే పట్టుకెళ్లి దూరంగా వదిలేయాలి కానీ.. ఇలా విషం పెట్టి చంపడం ఘోరమని పలువురు ఆవేదన వ్యక్తం చేస్తున్నారు.

Similar News

News November 29, 2025

కోటంరెడ్డి, YCP ట్వీట్.. కామాక్షి అసలే పార్టీ..?

image

నెల్లూరులో పెంచలయ్య హత్యపై YCP, MLA కోటంరెడ్డి ట్వీట్‌లు చేశారు. ‘పెంచలయ్య హత్య కుట్రదారు ఆరవ కామాక్షిగా పోలీసులు తేల్చారు. ఈ కూనికోరు కామాక్షి నెల్లూరు రూరల్ MLA కోటంరెడ్డి అనుచరురాలు. ఈ హత్య వెనుక కోటంరెడ్డి బ్రదర్స్ ఉన్నారని బాధిత కుటుంబం ఆరోపిస్తోంది. హత్యలు మీరు చేసి నిందలు ఎదుటివారిపైన వేస్తారా చంద్రబాబు?’ అని YCP ట్వీట్ చేయగా.. ‘నిందితులంతా వైసీపీ వాళ్లే’ అంటూ కోటంరెడ్డి మరొక ట్వీట్ చేశారు.

News November 29, 2025

దివ్యాంగ విద్యార్థుల కోసం ఈ రాయితీలు ఉన్నాయి.. మీకు తెలుసా.?

image

అంగవైకల్యం కలిగిన 10వ తరగతి విద్యార్థులు పరీక్షలు రాసేందుకు కేటగిరి వారిగా మినహాయింపు సౌకర్యం పొందుతారని జిల్లా విద్యాశాఖ అధికారులు తెలిపారు. అంధులు, మానసిక వికలాంగులు తదితరులందరికీ ప్రయోజనాలు సమకూరుతాయని అన్నారు. అయితే ముందుగా వారు తమ పేర్లను నమోదు చేయించుకోవాలని సూచించారు. ఈ విషయమై పాఠశాలల HMలు అందరికీ సూచనలు ఇవ్వడం జరిగిందన్నారు. ప్రభుత్వం కల్పించిన ఈ అవకాశాన్ని సద్వినియోగం చేసుకోవాలని కోరారు.

News November 29, 2025

ఆ లేడీ డాన్ల వెనుక నెల్లూరు నేత.?

image

ప్రశాంతమైన నెల్లూరులో హత్యలు, డ్రగ్స్, దోపిడీలతో క్రైం సిరీస్ నడుస్తోంది. అరుణ, కామాక్షి వంటి లేడీ డాన్లు గ్యాంగ్‌ల వెనుక సూత్రధారులుగా ఉన్నట్లు చర్చ నడుస్తోంది. అయితే వీరి బరితెగింపు వెనుక జిల్లాలోని ఓ ప్రజాప్రతినిధి ఉన్నట్లు సమాచారం. ఈ నేర సామ్రాజ్యాన్ని ఆయనే వెనకుండి నడిపిస్తూ.. వారికి పూర్తి అండదండలు ఇస్తున్నారట. కొన్నిసార్లు ప్రభుత్వంలో సైతం చక్రం తిప్పి వారిని కాపాడుతున్నారట.