News October 5, 2025
MLC వద్దు.. MLA టికెటే ముద్దు!
TG: జూబ్లీహిల్స్ బైపోల్ అభ్యర్థి కోసం కాంగ్రెస్ తలమునకలై ఉండగా అజారుద్దీన్ రూపంలో మరో చిక్కుముడి ఎదురవుతోంది. గవర్నర్ కోటాలో ఇస్తానన్న MLC పదవికి న్యాయపరమైన చిక్కులొచ్చే అవకాశం ఉందని ఆయన భావిస్తున్నట్లు సమాచారం. ఈ క్రమంలో తనను జూబ్లీహిల్స్ బరిలో దించాలని పట్టుబడుతున్నట్లు తెలుస్తోంది. తనను తప్పించేందుకు ఓ మంత్రి ప్రయత్నించారని, ఆయనపై ఇప్పటికే AICC నేతకు ఫిర్యాదు చేసినట్లు రాజకీయ వర్గాల్లో టాక్.
Similar News
News October 5, 2025
‘కాంతార ఛాప్టర్-1’.. కలెక్షన్లు ఎంతంటే?
రిషబ్ శెట్టి స్వీయ దర్శకత్వంలో తెరకెక్కిన ‘కాంతార ఛాప్టర్-1’ కలెక్షన్లలో దూసుకుపోతోంది. నిన్న రూ.55 కోట్లు కలెక్ట్ చేసినట్లు సినీవర్గాలు వెల్లడించాయి. విడుదలైన మూడు రోజుల్లోనే దేశవ్యాప్తంగా రూ.170 కోట్లకుపైగా గ్రాస్ వసూలు చేసినట్లు తెలిపాయి. ఇవాళ ఆదివారం కావడంతో కలెక్షన్లు మరింత భారీగా పెరిగే అవకాశముంది. రుక్మిణి వసంత్, జయరామ్ ఈ మూవీలో కీలక పాత్రలు పోషించిన సంగతి తెలిసిందే.
News October 5, 2025
మెదడు సమస్యలకు నిద్రలేమి ఓ కారణం: పరిశోధన
ప్రస్తుత జీవనశైలి, ఉద్యోగ సమయాల వల్ల చాలా మంది నిద్రకు ప్రాధాన్యత ఇవ్వట్లేదు. కొందరైతే రోజుకు 4-5 గంటలే నిద్రపోతున్నారు. అయితే మెదడు వయసు వేగంగా పెరగడానికి నిద్రలేమితో సంబంధం ఉన్నట్లు యూకే బయోబ్యాంక్ అధ్యయనంలో తేలింది. 27,500 మందిపై చేసిన అధ్యయనంలో నిద్రలేమి వల్ల మెదళ్లు అసలు వయసు కంటే ఓ ఏడాది ముందున్నట్లు గుర్తించారు. రోజుకు 7-8 గంటలు నిద్రపోతే ఈ ప్రమాదం ఉండదని వైద్యులు సూచిస్తున్నారు.
News October 5, 2025
‘జ్యోతిష శాస్త్రం’ ఏం చెబుతోందంటే?
ప్రతి జీవికీ కష్టసుఖాలు, జయాపజయాలు కర్మఫలితాలను బట్టే కలుగుతాయి. ఈ కర్మ ఫలాల విశ్లేషణకై, మనిషి జీవిత గమనాన్ని తెలుసుకోవడానికై, మన రుషీశ్వరులు ప్రసాదించిన దివ్యజ్ఞానమే జ్యోతిషశాస్త్రము. ఇది కేవలం జాతక ప్రభావాన్ని వివరించడమే కాక పూర్వ జన్మల పాపపుణ్య కర్మల రహస్యాన్ని వెల్లడిస్తుంది. మానవుడు తన జీవితాన్ని సరైన ధర్మమార్గంలో నడుపుకోవడానికి ఈ శాస్త్రం ఓ అమూల్యమైన సాధనమని పండితుల అభిప్రాయము. <<-se>>#doshaalu<<>>