News March 19, 2024

వేసవిలో తాగునీటి కొరత లేదు: సీఎస్

TG: రాష్ట్ర ప్రధాన కార్యదర్శి(సీఎస్) శాంతి కుమారి కీలక వ్యాఖ్యలు చేశారు. రాష్ట్రంలో వేసవి కాలంలో తాగునీటి కొరత లేదని స్పష్టం చేశారు. తాగునీటి సరఫరాపై అధికారులతో ఆమె సమీక్షా సమావేశం నిర్వహించారు. రిజర్వాయర్లలో సరిపడా నీరు ఉందని తెలిపారు. గ్రేటర్ హైదరాబాద్‌లోనూ సరిపడా నీటి సరఫరా జరుగుతోందని, ఎవరైనా కోరితే అదనపు వాటర్ ట్యాంకులు పంపిస్తున్నామని పేర్కొన్నారు.