News November 8, 2024
నార్త్ కొరియా దళాలకు భారీగా ప్రాణనష్టం: జెలెన్స్కీ
రష్యాకు మద్దతుగా తమపై యుద్ధానికి దిగిన ఉత్తర కొరియా దళాలకు భారీగా ప్రాణ నష్టం సంభవించిందని ఉక్రెయిన్ అధ్యక్షుడు జెలెన్స్కీ వెల్లడించారు. ప్రస్తుతం 11వేల మంది కిమ్ సైనికులు ఉక్రెయిన్ సరిహద్దుల్లోని కుర్స్క్ రీజియన్లో ఉన్నారని తెలిపారు. తాము ప్రతిఘటించకపోతే మరింత మంది సైనికులను ఆ దేశం యుద్ధంలోకి తీసుకొచ్చే అవకాశం ఉందన్నారు. ఉ.కొ సైనికులను పంపడంపై అమెరికా గుర్రుగా ఉన్న విషయం తెలిసిందే.
Similar News
News January 23, 2026
వీరు ఇంటర్మిటెంట్ ఫాస్టింగ్ చేయకూడదు
బరువు తగ్గడానికి, ఇన్సులిన్ సెన్సిటివిటీని పెంచుకోవడానికి చాలామంది ఇంటర్మిటెంట్ ఫాస్టింగ్ చేస్తూ ఉంటారు. రోజులో 16 గంటలు ఉపవాసం ఉండి 8 గంటలు ఆహారాన్ని తీసుకుంటారు. దీన్ని సరిగ్గా పాటించకపోతే హైపోగ్లైసీమియా, హైపర్గ్లైసీమియాకి దారి తీస్తుందని నిపుణులు హెచ్చరిస్తున్నారు. అలాగే గర్భిణీ స్త్రీలు, పాలిచ్చే తల్లులు, ఇతర అనారోగ్య సమస్యలు ఉన్నవారు ఈ పద్ధతిని పాటించడం సరికాదంటున్నారు.
News January 23, 2026
తేనెలొలుకు లలితా దేవి పలుకు
ఓసారి లలితా దేవి కోరిక మేరకు సరస్వతీ దేవి వీణాగానం చేయగా అందరూ ఆ సంగీతానికి పరవశించిపోయారు. అప్పుడు లలితాంబిక ‘సుష్టు'(బాగుంది) అని అనగానే ఆ గళమాధుర్యం ముందు తన వీణాగానం చిన్నబోయిందని భావించి శారదాదేవి వీణను పక్కన పెట్టేసింది. సంగీత దేవతే మెచ్చినంత సుమధురమైనవి లలితా దేవి పలుకులని ఈ వృత్తాంతం వివరిస్తుంది. ఈ విషయాన్ని లలిత సహస్రనామాల్లో ‘నిజసంలాప మాధుర్య వినిర్భర్త్సిత కచ్ఛపీ’ అనే నామంలో ఉంటుంది.
News January 23, 2026
SIR ఆందోళనతో 110 మంది మృతి: మమత
SIR ఆందోళన కారణంగా వెస్ట్ బెంగాల్లో ప్రతిరోజూ 3-4 ఆత్మహత్యలు చోటు చేసుకుంటున్నాయని ఆ రాష్ట్ర CM మమత ఆరోపించారు. ‘ఇప్పటికే మరణాలు 110కి చేరాయి. మరో 45 మంది చావుబతుకుల మధ్య ఉన్నారు. కేంద్రం, EC వీటికి బాధ్యత వహించాలి. ఇప్పటికే 58 లక్షల ఓట్లు తొలగించారు. మరో 1.66 కోట్ల మంది అర్హతపై విచారణ చేస్తున్నారు. ఇన్నేళ్ల తరువాత దేశ పౌరులమో కాదో నిరూపించుకోవాలా?’ అని సుభాష్ చంద్రబోస్ జయంతిలో ప్రశ్నించారు.