News September 11, 2024

ఇప్పుడు ఎవరైనా కశ్మీర్‌కు స్వేచ్ఛగా వెళ్లొచ్చు: అజిత్ పవార్

image

దేశంలో ఎవరైనా నేడు స్వేచ్ఛగా కశ్మీర్ వెళ్లి రావొచ్చని ఎన్సీపీ నేత అజిత్ పవార్ గుర్తుచేశారు. తాను కేంద్ర హోం మంత్రిగా ఉన్నప్పుడు శ్రీనగర్‌లోని లాల్‌చౌక్ వెళ్లేందుకు కూడా భయపడ్డానంటూ కాంగ్రెస్ నేత సుశీల్ కుమార్ షిండే చేసిన వ్యాఖ్యలపై పవార్ స్పందించారు. ‘బీజేపీ ప్రభుత్వం ఉగ్రవాదులను అణచివేసింది. లాల్‌చౌక్‌లో త్రివర్ణ పతాకం ఎగరడం అనేది ఒకనాడు కల. నేడు అక్కడ జెండా రెపరెపలాడుతోంది’ అని పేర్కొన్నారు.

Similar News

News November 30, 2025

పెద్దేముల్‌లో భార్యను చంపిన భర్త

image

వికారాబాద్ జిల్లా పెద్దేముల్‌ గ్రామపంచాయతీ పరిధిలోని ఓ తండాలో ఆదివారం భార్యను భర్త అత్యంత దారుణంగా హత్య చేసిన ఘటన స్థానికంగా కలకలం రేపింది. అనారోగ్యంతో ఉన్న భర్త గొడవ పడి భార్యను హతమార్చినట్లు తెలుస్తోంది. గ్రామస్థులు వెంటనే స్పందించి, నిందితుడైన భర్తను పట్టుకుని స్థానిక పోలీస్ స్టేషన్‌కు అప్పగించారు. పూర్తి వివరాలు ఇంకా తెలియాల్సి ఉంది.

News November 30, 2025

తిరుపతిలోని SVIMSలో ఉద్యోగాలు

image

తిరుపతిలోని శ్రీ వేంకటేశ్వర ఇన్‌స్టిట్యూట్ ఆఫ్ మెడికల్ సైన్సెస్‌ 5 పోస్టులను భర్తీ చేస్తోంది. అర్హతగల వారు DEC 10న ఇంటర్వ్యూకు హాజరుకావొచ్చు. పోస్టును బట్టి MSc/BSc, PG (DMRIT)/ MSc(న్యూక్లియర్ మెడిసిన్ టెక్నాలజీ, మెడికల్ రేడియో ఐసోటోప్ టెక్నాలజీ, కెమిస్ట్రీ), PhDతో పాటు పని అనుభవం ఉండాలి. అభ్యర్థుల గరిష్ఠ వయసు 42ఏళ్లు. ఇంటర్వ్యూ, ఎక్స్‌పీరియన్స్ ఆధారంగా ఎంపిక చేస్తారు. svimstpt.ap.nic.in

News November 30, 2025

రబీ(యాసంగి) వరి సాగుకు ఎలాంటి రకాలను ఎంపిక చేసుకోవాలి?

image

రబీలో వరి సాగుకు అధిక దిగుబడినిచ్చే, 120-130 రోజుల కాలపరిమితి కలిగి, తినడానికి మిక్కిలి అనువైన సన్న గింజ రకాలను ఎంపిక చేసుకోవాలి. గింజ రాలిక తక్కువగా ఉండి, అగ్గి తెగులును తట్టుకొని, చేనుపై పడిపోని రకాలను మార్కెట్ మరియు నీటి లభ్యత ఆధారంగా ఎన్నుకోవాలి. NLR 34449, NLR 3354, MTU 1282, NLR 3648, MTU 1426 రకాలు మిక్కిలి సన్నగింజ నాణ్యత కలిగి రబీ సాగుకు అనుకూలం అంటున్నారు వ్యవసాయ నిపుణులు.