News September 22, 2024
NPS వాత్సల్య స్కీమ్‌: నెలకు ₹833తో ₹11 కోట్లు
NPS వాత్సల్య స్కీమ్‌తో పిల్లలకు 60 ఏళ్లు వచ్చేసరికి రూ.11.05 కోట్లు చేతికొస్తాయని అంచనా. Ex. నెలకు ₹833/ఏటా ₹10వేలు 18ఏళ్లు జమచేస్తే పెట్టుబడి ₹1.8 లక్షలవుతుంది. దీనిపై 10% రిటర్న్ వస్తే ₹5లక్షలు అందుతాయి. అదే 60 ఏళ్లకైతే పెట్టుబడి మొత్తం ₹6 లక్షలు అవుతుంది. దీనిపై రిటర్న్ 10% అయితే ₹2.75 కోట్లు, 11.59%తో ₹5.97 కోట్లు, 12.86%తో ₹11.05 కోట్లు అందుతాయి. జమ చేసే డబ్బును షేర్లలో ఇన్వెస్ట్ చేస్తారు.
Similar News
News September 22, 2024
చరిత్ర సృష్టించిన భారత్
చెస్ ఒలింపియాడ్‌-2024లో భారత్ తన మొట్టమొదటి బంగారు పతకాన్ని గెలుచుకుంది. టోర్నీలో తొలిసారి పసిడి పతకాన్ని గెలిచి చరిత్ర సృష్టించింది. ఓపెన్ సెక్షన్‌లో భారత్ మరో రౌండ్‌ మిగిలుండగానే 19 పాయింట్లతో అగ్రస్థానంలో నిలిచింది. అమెరికా ప్లేయర్‌ ఫాబియానో కరువానను దొమ్మరాజు గుకేశ్‌ ఓడించారు. ఈయన నవంబర్‌లో జరిగే ప్రపంచ ఛాంపియన్‌షిప్‌లో తలపడనున్నారు. కాగా 2020లో రష్యాతో కలిసి భారత్ సంయుక్త విజేతగా నిలిచింది.
News September 22, 2024
ఏఆర్ డెయిరీలో కేంద్రం తనిఖీలు
AP: తిరుమలకు గతంలో ఆవు నెయ్యిని సరఫరా చేసిన ఏఆర్ డెయిరీలో కేంద్ర ఆహార భద్రతా విభాగం ఉన్నతాధికారులు తనిఖీలు చేశారు. తమిళనాడులోని దిండుగల్ ప్లాంటులో సుమారు రెండు గంటల పాటు తనిఖీలు చేసి నెయ్యి, వెన్న, పెరుగు శాంపిల్స్ సేకరించారు. కాగా ఈ సంస్థ తిరుమలకు పంపిన నెయ్యిలో జంతువుల కొవ్వు కలిసిందని, బ్లాక్ లిస్టులో పెట్టామని టీటీడీ ఈవో చెప్పడం సంచలనంగా మారిన విషయం తెలిసిందే.
News September 22, 2024
నేడు సీఎం చంద్రబాబుతో టీటీడీ అధికారుల భేటీ
AP: టీటీడీ అధికారులు ఇవాళ సీఎం చంద్రబాబుతో సమావేశం కానున్నారు. లడ్డూలో కల్తీ నెయ్యి వ్యవహారంపై ఈవో శ్యామలరావు సీఎంకు నివేదిక ఇవ్వనున్నారు. ఆగమ సలహా మండలి సూచనలను ఆయనకు వివరించనున్నారు. రిపోర్ట్ అందిన తర్వాత ఈ వ్యవహారంపై ప్రభుత్వం చర్యలు తీసుకోనుంది. టీటీడీ ప్రాథమిక రిపోర్టు ఇప్పటికే ప్రభుత్వానికి అందింది.