News April 14, 2025
NRML: ఒకే ప్రాంతం.. 4 యాక్సిడెంట్లు
నర్సాపూర్ మండలంలోని తురాటీ, చాక్పల్లి గ్రామాల వద్ద ఉన్న హైవే 61 రహదారిపై నిర్మించిన స్పీడ్ బ్రేకర్లు ప్రమాదాలకు కారణమవుతున్నాయి. గత 21 రోజుల్లో ఒకేచోట నాలుగు ప్రమాదాలు జరిగాయి. అందులో ఇద్దరు మరణించగా మిగతా మరో ఇద్దరు తీవ్ర గాయాలతో హాస్పటల్ పాలయ్యారు. అధికారులు స్పందించి స్పీడ్ బ్రేకర్లను తొలగించాలని గ్రామస్థులు, ప్రయాణికులు కోరుతున్నారు.
Similar News
News April 17, 2026
అనుమతి లేకుండా అల్లు అర్జున్ పేరు, ఫొటో వాడొద్దు: ఢిల్లీ హైకోర్టు
అల్లు అర్జున్ వ్యక్తిత్వ హక్కులను (Personality Rights) పరిరక్షిస్తూ ఢిల్లీ హైకోర్టు <<19671551>>ఉత్తర్వులు<<>> జారీ చేసింది. ఆయన అనుమతి లేకుండా పేరు, వాయిస్, ఫొటోలు, సంతకాన్ని వాణిజ్య ప్రయోజనాల కోసం వాడకూడదని స్పష్టం చేసింది. డీప్ఫేక్, AI టెక్నాలజీతో తన వాయిస్ని క్లోనింగ్ చేయడం, ఫొటోలను మార్ఫింగ్ చేయడం వంటివి తన బ్రాండ్ విలువను, ప్రతిష్ఠను దెబ్బతీస్తాయని ఆయన కోర్టును ఆశ్రయించగా ఇలా స్పందించింది.
News April 17, 2026
తొర్రూర్: వడదెబ్బతో రైతు మృతి
తొర్రూరు(M) గుర్తూరులో రైతు సింగారం శ్రీనివాస్ (62) వడదెబ్బతో మృతి చెందినట్లు గ్రామస్థులు తెలిపారు. పొలం పనుల్లో ఉండగా ఎండ తీవ్రతకు ఆయన ఒక్కసారిగా అస్వస్థతకు గురయ్యారు. గమనించిన కుటుంబ సభ్యులు వెంటనే చికిత్స నిమిత్తం HYDలోని ఓ ఆసుపత్రికి తరలించారు.అక్కడ చికిత్స పొందుతూ పరిస్థితి విషమించి శుక్రవారం ఆయన ప్రాణాలు కోల్పోయారు. ఎండలు ముదురుతున్న తరుణంలో రైతులు జాగ్రత్తగా ఉండాలని వైద్యులు సూచిస్తున్నారు.
News April 17, 2026
ఉమ్మడి పాలమూరులో 7 అసెంబ్లీ స్థానాలు పెరిగే అవకాశం
నియోజకవర్గాల పునర్విభజనలో భాగంగా ఉమ్మడి పాలమూరు జిల్లాలో 14 అసెంబ్లీ స్థానాలతో పాటు అదనంగా 7 అసెంబ్లీ స్థానాలు పెరిగే అవకాశం ఉందని చర్చించుకుంటున్నారు. నారాయణపేట, వనపర్తి జిల్లాలో కోస్గి, మద్దూర్, మరికల్, అమరచింత, కొత్తకోట, పెబ్బేరు నియోజకవర్గాలుగా ఏర్పడవచ్చు అని జోరుగా ప్రచారం జరుగుతుంది. ఇప్పటికే కొన్ని చోట్ల అఖిలపక్ష నాయకులు నియోజకవర్గాన్ని ఏర్పాటు చేయాలని సభలు పెట్టారు. ఎన్ని ఏర్పడతాయో చూడాలి.