News December 10, 2025
NRPTలో రసవత్తర పోరు.!
నారాయణపేట జిల్లా మరికల్ మండలం ఇబ్రహీంపట్నం గ్రామ పంచాయతీ ఎన్నికలు రసవత్తరంగా మారాయి. గత ఎన్నికల్లో పోటీ చేసిన చెన్నమ్మ, సుజాతతో పాటు ఈసారి రాధిక, నాగరాణి కొత్తగా బరిలో నిలిచారు. కాంగ్రెస్, బీజేపీ, బీఆర్ఎస్, స్వతంత్ర అభ్యర్థులు రంగంలో ఉండడంతో పోరు ఆసక్తిగా మారింది. 485 మంది ఓటర్లు ఉన్న ఈ గ్రామంలో విజయం ఎవరిని వరిస్తుందో ఈ నెల 14న తేలనుంది. గత ఎన్నికల్లో సుజాత విజయం సాధించారు.
Similar News
News December 10, 2025
సూర్యాపేట: జీపీ ఎన్నికల సందర్భంగా స్థానిక సెలవులు
గ్రామపంచాయతీ ఎన్నికల నేపథ్యంలో పోలింగ్ రోజు, దాని ముందు రోజు స్థానిక సెలవులు ప్రకటించినట్లు కలెక్టర్ తేజస్ నంద్ లాల్ పవార్ తెలిపారు. మొదటి విడతకు డిసెంబర్ 10, 11; రెండో విడతకు 13, 14; మూడో విడతకు 16, 17 తేదీలను సెలవులుగా ప్రకటించారు. ఓటు హక్కు వినియోగించుకునేందుకు ఈ సెలవులు ప్రభుత్వ, పబ్లిక్ అండర్టేకింగ్ ఉద్యోగులకు కూడా వర్తిస్తాయని కలెక్టర్ పేర్కొన్నారు.
News December 10, 2025
విష్ణుమూర్తి ఎక్కడెక్కడ ఉన్నాడంటే?
సర్వగః సర్వ విద్భానుర్విష్వక్సేనో జనార్దనః|
వేదో వేదవిదవ్యంగో వేదాంగో వేదవిత్కవిః||
విష్ణువు విశ్వమంతా వ్యాపించి ఉన్నాడు. సమస్తం తెలిసిన ఆయన సూర్య కిరణాల రూపంలో మనకు వెలుగు పంచుతూ ఉన్నాడు. ఈ విశ్వంలో అన్ని సేనలకు నాయకుడై, కాల రూపుడై అందరినీ తనలో లీనం చేసుకుంటున్నాడు. వేదాలు, వేద జ్ఞానం కూడా ఆయనే. వేదాంగాలకు అధిపతి, వేదాల పరమార్థాన్ని తెలుసుకున్న ఆ మహాకవిని నమస్కరించాలి. <<-se>>#VISHNUSAHASRANAMAM<<>>
News December 10, 2025
వేరుశనగలో అంతర పంటలతో లాభాలేంటి?
వర్షాభావ పరిస్థితులు, బెట్ట, కరవు పరిస్థితులు ఏర్పడి ప్రధాన పంట అయిన వేరుశనగ నష్టపోయినా.. అంతర పంటల నుంచి కొంత ఆదాయం పొందే అవకాశం ఉంటుంది. వేరుశనగ, అంతరపంటల వేరువ్యవస్థ పొడవులో తేడాల వల్ల భూమిలోని పోషకాలు, నీటిని పంటలు సమర్థవంతంగా వినియోగించుకునే వీలుంటుంది. చీడపీడల ఉనికి చాలావరకు తగ్గుతుంది. వర్షపునీటిని పొలంలోనే ఇంకేటట్లు చేయడంలో, నేలకోతను నివారించడంలో అంతరపంటలు కీలకపాత్ర పోషిస్తాయి.