News February 22, 2025
NRPT: బంగలి దేవమ్మ ఇంటి నిర్మాణానికి ముఖ్యమంత్రి భూమి పూజ
నియోజకవర్గంలో 3500 చొప్పున ఇందిరమ్మ ఇళ్ల నిర్మాణ కార్యక్రమానికి ముఖ్యమంత్రి రేవంత్ రెడ్డి శుక్రవారం భూమి పూజ చేసి లాంఛనంగా ప్రారంభించారు. అందులో భాగంగా శుక్రవారం నారాయణపేట జిల్లాలో అప్పకపల్లి గ్రామంలో దళిత మహిళ బంగలి దేవమ్మ ఇంటి నిర్మాణానికి ముఖ్యమంత్రి తొలి భూమి పూజ చేశారు. అనంతరం సీఎం నుంచి ఇంటి నిర్మాణానికి పత్రం అందుకున్న మహిళ ఆయనను కలిసి తన ఆనందాన్ని వ్యక్తం చేసి, ధన్యవాదాలు తెలిపింది.
Similar News
News November 29, 2025
GWL: వసతిగృహ విద్యార్థుల సంక్షేమంపై దృష్టి-నుషిత
జిల్లాలోని వసతి గృహాల్లో ఉంటున్న విద్యార్థుల సంక్షేమంపై దృష్టి కేంద్రీకరించినట్లు గద్వాల జిల్లా షెడ్యూల్ కులాల అభివృద్ధి అధికారి నుషిత శనివారం పేర్కొన్నారు. ప్రస్తుత వాతావరణ పరిస్థితులను దృష్టిలో ఉంచుకొని కలెక్టర్ సంతోష్ ఆదేశంతో వసతి గృహ విద్యార్థులందరికీ ఉలన్ రగ్గులు, స్వెటర్లు పంపిణీ చేశామన్నారు. విద్యార్థుల ఆరోగ్యం, సంక్షేమం అత్యంత ప్రదానమన్నారు. విద్యార్థులు బాగా చదువుకోవాలని ఆకాంక్షించారు.
News November 29, 2025
మొబైల్ నంబర్ చాలు.. ఉచితంగా రూ.5 లక్షల వరకూ చికిత్స
ఆయుష్మాన్ భారత్ PMJAY పథకం ద్వారా ప్రతి కుటుంబానికి ఏడాదికి రూ.5 లక్షల వరకు ఉచిత చికిత్స లభిస్తుంది. ఇందుకు ఆయుష్మాన్ కార్డు ఉండాలి. ఆధార్‌కు లింక్ అయిన మొబైల్ నంబర్‌తో కార్డును సులభంగా డౌన్లోడ్ చేసుకోవచ్చు. beneficiary.nha.gov.in, ఆయుష్మాన్ యాప్ లేదా DigiLocker ద్వారా లాగిన్‌ అవ్వాలి. అనంతరం కుటుంబ సభ్యుడిని సెలక్ట్ చేసుకుని కార్డు డౌన్లోడ్ చేసుకోవచ్చు. కార్డు డౌన్లోడ్ పూర్తిగా ఉచితం.
News November 29, 2025
ఆయుష్మాన్ కార్డుకు మీరూ అర్హులేనా? చెక్‌ చేసుకోండిలా..
ఆయుష్మాన్ భారత్ PMJAY పథకం ద్వారా పేద, మధ్యతరగతి కుటుంబాలకు సంవత్సరానికి రూ.5లక్షల వరకు ఉచిత చికిత్స లభిస్తుంది. అయితే మీరు అర్హులా కాదా అనే విషయం తెలుసుకోవడానికి pmjay.gov.inలోని Am I Eligible? ఆప్షన్‌కి వెళ్లి ఫోన్ నంబర్, ఇతర వివరాలు ఎంటర్ చేసి ఆధార్ నంబర్‌తో సెర్చ్ చేయాలి. అర్హత ఉంటే కార్డు పొందవచ్చు. అధికారిక సైట్‌లో అప్లై చేసుకోవచ్చు. ఆఫ్‌లైన్‌లో అయితే సమీప ఆరోగ్య కేంద్రాన్ని సంప్రదించవచ్చు.