News March 18, 2025

NRPT: వంటా వార్పుతో నిరసన తెలిపిన అంగన్వాడీ టీచర్లు

సమస్యలు పరిష్కరించాలని డిమాండ్ చేస్తూ మంగళవారం నారాయణపేట మున్సిపల్ పార్క్ వద్ద అంగన్వాడీ టీచర్లు వంటా వార్పుతో నిరసన తెలిపారు. సీఐటీయూ జిల్లా కార్యదర్శి బలరాం మాట్లాడుతూ.. కాంగ్రెస్ ప్రభుత్వం ఎన్నికల సందర్భంగా ఇచ్చిన హామీలు నెరవేర్చాలని డిమాండ్ చేశారు. కనీస వేతనం రూ.18 వేలు ఇవ్వాలని అన్నారు. అంగన్వాడీ సిబ్బందిని పర్మినెంట్ చేయాలని, మోడల్ అంగన్వాడీ కేంద్రాలను రద్దు చేయాలని చెప్పారు.