News October 19, 2024
NRPT : విద్యారంగ బలోపేతానికి కృషి చేయాలి : టీపీటీఎఫ్
ప్రభుత్వ పాఠశాలలను సమగ్రంగా అభివృద్ధి చేసి విద్యారంగాన్ని బలోపేతం చేయాలని టీపీటీఎఫ్ రాష్ట్ర ఉపాధ్యక్షురాలు నారాయణమ్మ, పాలమూరు అధ్యయన వేదిక కన్వీనర్ రాఘవచారిలు సూచించారు. నారాయణపేటలోని అంబేడ్కర్ భవన్‌లో విద్యారంగ సమస్యలు, సవాళ్లు, కర్తవ్యాలు అనే అంశంపై శనివారం నిర్వహించిన రౌండ్ టేబుల్ సమావేశంలో వారు మాట్లాడారు. ఉపాధ్యాయుల సర్దుబాటు జీఓ వెనక్కి తీసుకోవాలన్నారు. ప్రజాసంఘాల నాయకులు పాల్గొన్నారు.
Similar News
News November 25, 2024
MBNR: జాగ్రత్త.. తప్పులు ఉండొద్దు: డిప్యూటీ సీఎం
కుల గణన కుటుంబ సర్వే డాటా ఎంట్రీలో ఇలాంటి తప్పులు ఉండొద్దని ఉప ముఖ్యమంత్రి భట్టి విక్రమార్క అన్నారు. జార్ఖండ్ నుంచి వీసీ నిర్వహించి ఆయన ఉమ్మడి జిల్లా కలెక్టర్లతో మాట్లాడారు. అందుబాటులో లేని వాళ్లకు ఫోన్ చేసి సర్వే గురించి వివరించి సమాచారం తెలుసుకోవాలని, ఫుడ్ పాయిజన్ విషయంలో ఆరా తీశారు. ఆహారం, పరిశుభ్రతపై దృష్టి పెట్టాలని, డాటా ఎంట్రీలో ఇలాంటి పొరపాట్లు జరగకుండా చూడాలని అధికారులకు ఆదేశించారు.
News November 25, 2024
ఉమ్మడి పాలమూరులో కుల గణన సర్వే వివరాలు ఇలా!
ఉమ్మడి జిల్లా వ్యాప్తంగా ఇంటింటి సమగ్ర కుల గణన సర్వే శరవేగంగా కొనసాగుతుంది. ఆదివారం నాటికి మహబూబ్ నగర్-99.8%, నాగర్ కర్నూల్-96%, నారాయణపేట-99.5%, గద్వాల్, వనపర్తి జిల్లాలో దాదాపు పూర్తయినట్లే. ఇంటిదగ్గర అందుబాటులో లేని వాళ్లకు ఫోన్లు చేసి వివరాలు సేకరిస్తున్నట్లు ఆయా జిల్లాల కలెక్టర్లు తెలిపారు. సర్వేలో వివరాలు నమోదు చేసుకోలేని వాళ్లు ఆయా మండలాల ఎంపీడీవోలకు, మున్సిపల్ కమిషనర్లను సంప్రదించాలన్నారు.
News November 25, 2024
గత ప్రభుత్వంలో అరాచకాలు, దోపిడీలు: జూపల్లి
BRS ప్రభుత్వంలో అరాచకాలు, దోపిడీలు జరిగాయని మంత్రి జూపల్లి కృష్ణారావు ఆరోపించారు. ఆదివారం MBNR కలెక్టరేట్‌లో ఏర్పాటు చేసిన ప్రత్యేక సమావేశంలో ప్రణాళిక సంఘం వైస్ ఛైర్మన్ చిన్నారెడ్డితో కలిసి మాట్లాడారు. ఏడాది పాలన పూర్తవుతున్న సందర్భంగా రాష్ట్ర వ్యాప్తంగా విజయోత్సవాలు నిర్వహిస్తున్నామన్నారు. తమ ప్రభుత్వం సాధించిన విజయాలతో పాటు చేపట్టబోయే అభివృద్ధి, సంక్షేమ కార్యక్రమాలను ప్రజలకు వివరిస్తామన్నారు.