News December 22, 2025
NRPT: ‘ఓటర్ల మ్యాపింగ్ ప్రక్రియ వేగవంతం చేయాలి’
ఓటర్ల మ్యాపింగ్ ప్రక్రియ వేగవంతం చేసి త్వరగా పూర్తి చేయాలని రాష్ట్ర ముఖ్య ఎన్నికల అధికారి సుదర్శన్ రెడ్డి అన్నారు. సోమవారం హైదరాబాద్ నుంచి జిల్లాల కలెక్టర్లు, అధికారులతో నిర్వహించిన వీడియో కాన్ఫరెన్స్లో నారాయణపేట ఇన్ఛార్జ్ కలెక్టర్ సంచిత్ గంగ్వార్ పాల్గొన్నారు. ఓటర్ల మ్యాపింగ్ ప్రక్రియను బీఎల్ఓల వారీగా సమీక్ష నిర్వహించి పురోగతి లేని బీఎల్ఓపై చర్యలు తీసుకోవాలని కలెక్టర్లను ఆదేశించారు.
Similar News
News December 23, 2025
గిద్దలూరులో షాకింగ్ ఘటన.. పోక్సో కేసు నమోదు!
గిద్దలూరులో బాలికపై లైంగిక దాడి ఘటన కలకలం రేపింది. 9వ తరగతి చదువుతున్న బాలికను బెదిరించి స్కూల్ నుంచి తీసుకెళ్లి లైంగిక దాడికి పాల్పడ్డాడన్న ఆరోపణలతో టి. వెంకటేశ్వర రెడ్డిపై గిద్దలూరు పోలీసులు POCSO చట్టం కింద కేసు నమోదు చేశారు. బాలికను బెదిరించి ఈ ఘాతుకానికి పాల్పడినట్లు ఫిర్యాదు అందింది. దీంతో గిద్దలూరు టౌన్ సీఐ సురేశ్ దర్యాప్తు చేస్తున్నారు.
News December 23, 2025
ప్రమాదంలో బాపట్ల జిల్లా రిటైర్డ్ జవాన్ మృతి
రోడ్డు ప్రమాదంలో జవాన్ మృతి చెందిన ఘటన బాపట్ల మండలంలో మంగళవారం చోటుచేసుకుంది. స్థానికుల కథనం మేరకు.. ముక్తాయపాలెంకు చెందిన రిటైర్డ్ జవాన్ శ్రీనివాస వరప్రసాద్ సూర్యలంక రహదారిలో చింతావారిపాలెం వద్ద ఆగి ఉన్న ఇసుక లారీని బైక్పై వెళ్తుండగా ఢీకొట్టడంతో అక్కడికక్కడే మృతి చెందారు. ఈ ఘటనలో మరో వ్యక్తికి గాయాలయ్యాయి. క్షతగాత్రుడిని వైద్యశాలకు తరలించారు. మరిన్ని వివరాలు తెలియాల్సి ఉంది.
News December 23, 2025
మోటకొండూరు: పోరాడితేనే హక్కులను సాధించుకోగలం: కవిత
పోరాడితేనే హక్కులను సాధించుకోగలమని తెలంగాణ జన జాగృతి అధ్యక్షురాలు కల్వకుంట్ల కవిత అన్నారు. జన జాగృతి ఆధ్వర్యంలో చేపట్టిన రాష్ట్ర వ్యాప్త పర్యటనలో భాగంగా మంగళవారం యాదాద్రి జిల్లా మోటకొండూరులో ఆమె మాట్లాడారు. భూ నిర్వాసితులకు అండగా ఉంటామన్నారు. ఎన్నికల ముందు కాంగ్రెస్ ప్రభుత్వం ఇచ్చిన హామీలు ఏ ఒక్కటి నెరవేరలేదన్నారు. రూ.4,000 పెన్షన్, మహిళలకు రూ.2,500 ఆర్థిక సహాయం ఇవ్వలేదన్నారు.