News May 6, 2024

NRPT: చిరుత పులి మృతి

ఓ చిరుత పులి మృతి చెందిన సంఘటన నారాయణపేట జిల్లా మద్దూరు మండలంలో చోటుచేసుకుంది. స్థానికుల వివరాల ప్రకారం.. నందిపాడు- చింతలకుంట గ్రామాల మధ్య ఉన్న ఓ వ్యవసాయ పొలం వద్ద చిరుత పులి కళేబరం కనిపించింది. గుర్తించిన గ్రామస్థులు అటవీశాఖ అధికారులకు సమాచారం ఇచ్చారు. చిరుత రెండు రోజుల క్రితం చనిపోయి ఉండొచ్చని, వైద్య పరీక్షల అనంతరం వివరాలు వెల్లడిస్తామని అటవీ శాఖ అధికారి లక్ష్మణ్ తెలిపారు.