News August 9, 2024
NZB: అంత్యక్రియలకు వెళితే.. ఇంట్లో చోరీ

బంధువులు చనిపోవడంతో గురువారం అంత్యక్రియలకు వెళ్లగా దొంగలు ఇంట్లో చొరబడి 3తులాల బంగారం అపహరించుకుపోయిన ఘటన నిజామాబాద్ నగరంలోని ఆర్యనగర్లో జరిగింది. సంజీవ్ రెడ్డి కాలనీకి చెందిన రిటైర్డ్ ఫారెస్ట్ ఆఫీసర్ నారాయణ బంధువులు చనిపోవడంతో అంత్యక్రియలకు వెళ్లి సాయంత్రం తిరిగి ఇంటికి వచ్చే సరికి చోరీ జరిగింది. ఈ మేరకు 4వ టౌన్ పోలీసులకు ఫిర్యాదు చేయగా పోలీసులు ఘటనా స్థలానికి చేరుకుని దర్యాప్తు ప్రారంభించారు.
Similar News
News November 30, 2025
NZB: రెండో దశ తొలి రోజు 270 నామినేషన్లు

NZB జిల్లాలో రెండో విడతలో జరగనున్న 8 మండలాల్లో తొలి రోజైన ఆదివారం 196 సర్పంచి స్థానాలకు 122, 1760 వార్డు స్థానాలకు 148 నామినేషన్లు దాఖలు అయ్యాయని అధికారులు తెలిపారు. రెండో విడతలో NZB డివిజన్లోని ధర్పల్లి, డిచ్పల్లి, ఇందల్వాయి, మాక్లూర్, మోపాల్, నిజామాబాద్, సిరికొండ మండలాలతో పాటు ఆర్మూర్ డివిజన్లోని జక్రాన్ పల్లి మండలాల పరిధిలో ఎన్నికలు జరగనున్న సంగతి తెలిసిందే.
News November 30, 2025
NZB: ఆరు నెలల్లో 352 ఫిర్యాదులు

నిజామాబాద్ పోలీస్ కమిషనర్ కార్యాలయంలో ఆరు నెలలుగా నిర్వహించిన ప్రజావాణి కార్యక్రమంలో 352 ఫిర్యాదులను స్వీకరించినట్లు సీపీ సాయి చైతన్య ఆదివారం తెలిపారు. ప్రతి సోమవారం నిర్వహించిన ప్రజావాణిలో భాగంగా జిల్లా వ్యాప్తంగా ప్రజలు కమిషనర్ కార్యాలయానికి వచ్చి తమ ఫిర్యాదులను సీపీకి అందజేశారు. అయితే సమస్యలు పరిష్కరించాలని సంబంధిత పోలీస్ స్టేషన్ సీఐ, ఎస్ఐలకు ఆదేశాలు జారీ చేశారు.
News November 30, 2025
NZB: జిల్లాలో రెండో విడత మండలాలివే!

NZB జిల్లాలో రెండో విడతలో 8 మండలాల్లో ఎన్నికలు జరగనున్నాయి. NZB డివిజన్లోని ధర్పల్లి, డిచ్పల్లి, ఇందల్వాయి, మాక్లూర్, మోపాల్, నిజామాబాద్, సిరికొండ మండలాలతో పాటు ఆర్మూర్ డివిజన్లోని జాక్రాన్ల్లి మండలాల పరిధిలోని 196 సర్పంచి స్థానాలకు, 1,760 వార్డు స్థానాలకు నామినేషన్లు స్వీకరించనున్నారు. వీటిలో పురుషులు 1,22,868 మంది, మహిళలు 1,41,305 మంది, ఐదుగురు ఇతరులు ఓటేయ్యనున్నారు.


