News June 5, 2024
NZB: అప్పుల బాధతో యువకుడి ఆత్మహత్య
నగరంలోని గాజుల్ పేట్ రామ మందిర్ ప్రాంతానికి చెందిన నారాయణ(22) ఆత్మహత్యకు పాల్పడ్డారు. క్రెడిట్ కార్డు తీసుకుని దాని ద్వారా డబ్బులను డ్రా చేసి వాడుకున్నాడు. డబ్బులు సకాలంలో చెల్లించకపోవడంతో రెండు రోజుల క్రితం క్రెడిట్ కార్డు రికవరీ టీం ఇంటికి వచ్చి బెదిరించినట్లు 2 టౌన్ ఎస్ఐ రాము తెలిపారు. దీంతో మనస్తాపం చెందిన నారాయణ తన ఇంట్లో ఉరేసుకొని మృతి చెందినట్లు వెల్లడించారు. ఈ ఘటనపై కేసు నమోదు చేశారు.
Similar News
News November 30, 2025
NZB: ఆరు నెలల్లో 352 ఫిర్యాదులు
నిజామాబాద్ పోలీస్ కమిషనర్ కార్యాలయంలో ఆరు నెలలుగా నిర్వహించిన ప్రజావాణి కార్యక్రమంలో 352 ఫిర్యాదులను స్వీకరించినట్లు సీపీ సాయి చైతన్య ఆదివారం తెలిపారు. ప్రతి సోమవారం నిర్వహించిన ప్రజావాణిలో భాగంగా జిల్లా వ్యాప్తంగా ప్రజలు కమిషనర్ కార్యాలయానికి వచ్చి తమ ఫిర్యాదులను సీపీకి అందజేశారు. అయితే సమస్యలు పరిష్కరించాలని సంబంధిత పోలీస్ స్టేషన్ సీఐ, ఎస్ఐలకు ఆదేశాలు జారీ చేశారు.
News November 30, 2025
NZB: జిల్లాలో రెండో విడత మండలాలివే!
NZB జిల్లాలో రెండో విడతలో 8 మండలాల్లో ఎన్నికలు జరగనున్నాయి. NZB డివిజన్‌లోని ధర్పల్లి, డిచ్‌పల్లి, ఇందల్వాయి, మాక్లూర్, మోపాల్, నిజామాబాద్, సిరికొండ మండలాలతో పాటు ఆర్మూర్ డివిజన్‌లోని జాక్రాన్‌ల్లి మండలాల పరిధిలోని 196 సర్పంచి స్థానాలకు, 1,760 వార్డు స్థానాలకు నామినేషన్లు స్వీకరించనున్నారు. వీటిలో పురుషులు 1,22,868 మంది, మహిళలు 1,41,305 మంది, ఐదుగురు ఇతరులు ఓటేయ్యనున్నారు.
News November 30, 2025
నిజామాబాద్ జిల్లాలో ఉష్ణోగ్రతల అప్డెడేట్
నిజామాబాద్ జిల్లాలో గడిచిన 24 గంటల్లో నమోదైన కనిష్ఠ ఉష్ణోగ్రతలను అధికారులు వెల్లడించారు. జిల్లాలో సాలూర 10.9°C, చిన్న మావంది 11.2, నిజామాబాద్ సౌత్, మదనపల్లి, నిజామాబాద్ నార్త్ 11.8, జాకోర 11.9, కోటగిరి, కల్దుర్కి, పొతంగల్ 12.0, గూపన్ పల్లి 12.1, రుద్రూర్ 12.3, చందూర్, బెల్లాల్ 12.4, ఎడపల్లి 12.7, మల్కాపూర్, నవీపేట్‌లో 12.9°C కనిష్ఠ ఉష్ణోగ్రతలు నమోదయ్యాయి.