News October 25, 2024
NZB: ఆదిలాబాద్ ఎమ్మెల్యే కారుకు ప్రమాదం
ఉమ్మడి నిజామాబాద్ జిల్లాలో ఆదిలాబాద్ ఎమ్మెల్యే పాయల్ శంకర్ కారుకు ప్రమాదం జరిగింది. ఆయన హైదరాబాద్‌లో జరిగిన ఓ కార్యక్రమంలో పాల్గొని ఆదిలాబాద్ వైపు వెళ్తుండగా ప్రమాదం జరిగింది. సదాశివనగర్ మండలం పద్మాజీవాడ ఫ్లై ఓవర్ వద్ద ఆయన ఫార్చూనర్ కారును వెనుక నుంచి ఓ లారీ ఢీకొట్టింది. ఈ ప్రమాదంలో కారుకు స్వల్పంగా డ్యామేజ్ అయింది. కాగా ఎమ్మెల్యే సురక్షితంగా బయటపడ్డారు. అనంతరం ఆయన ఆదిలాబాద్ ప్రయాణమయ్యారు.
Similar News
News January 3, 2025
NZB: ఉమ్మడి జిల్లాలో పడిపోతున్న ఉష్ణోగ్రతలు
ఉమ్మడి నిజామాబాద్ జిల్లాలో ఉష్ణోగ్రతలు రోజురోజుకు పడిపోతున్నాయి దీంతో చలి పంజాబీ విసురుతుంది. ఉదయం మంచు ఉగ్రరూపం ప్రదర్శిస్తుంటే రాత్రి చలి తాకిడి ఎక్కువవుతుంది. హైదరాబాద్ వాతావరణ కేంద్రం తెలిపిన వివరాల ప్రకారం కామారెడ్డి జిల్లాలో అత్యల్ప ఉష్ణోగ్రతలు డోంగ్లి 10.2, గాంధారి 11.2, జుక్కల్ 11.5, సర్వాపూర్ 12.7, మేనూర్ 12.9 కాగా నిజామాబాద్ జిల్లాలో మెండోరా 12.5, తుంపల్లి 13.1 ఉష్ణోగ్రతలు నమోదయ్యాయి.
News January 2, 2025
మాచారెడ్డి: రెసిడెన్షియల్ కోసం ఫేక్ ఆధార్..
రెసిడెన్షియల్ కోసం మీసేవ నిర్వాహకుడు డూప్లికేట్ ఆధార్ క్రియేట్ చేసిన ఘటన మాచారెడ్డి మండలం ఘన్పూర్‌లో జరిగింది. పోలీసుల వివరాలిలా.. గ్రామానికి చెందిన ముహమ్మద్ షరీఫ్ ఫిలిప్పీన్ దేశానికి చెందిన మహిళను వివాహం చేసుకున్నాడు. ఆమె రెసిడెన్షియల్ సర్టిఫికెట్ కోసం మీసేవ నిర్వాహకుడి సాయంతో డూప్లికేట్ ఆధార్ తయారు చేశారు. భార్యాభర్తల ఆధార్ నంబర్ సేమ్ ఉండడంతో RI రమేశ్ PSలో ఫిర్యాదు చేశారు.
News January 2, 2025
NZB: ఎస్సీ వర్గీకరణ వద్దని న్యాయమూర్తికి నివేదిక అందజేత
కామారెడ్డి కలెక్టర్ కార్యాలయంలో గురువారం దళిత కళ్యాణ్ సమితి ఆధ్వర్యంలో ఎస్సీ వర్గీకరణకు వ్యతిరేకిస్తూ జస్టిస్ షమీం అక్తర్ కమిటీకి నివేదికను అందజేశారు. ఈ సందర్భంగా అధ్యక్షుడు దౌలత్ చక్రే మాట్లాడుతూ.. అన్నదమ్ములుగా ఉన్న ఎస్సీలను ఐక్యమత్యంగా ఉండకూడదనే నేపథ్యంలో కేంద్ర ప్రభుత్వం భారీ కుట్ర చేసిందన్నారు. 15% ఉన్న రిజర్వేషన్లను 22 % కు పెంచాలని డిమాండ్ చేశారు.