News March 4, 2025
NZB: గల్ఫ్‌లో రోడ్డు ప్రమాదంలో గుత్ప వాసి మృతి
NZB ఆలూర్ మండలం గుత్ప గ్రామానికి చెందిన చలిగంటి మోహన్ ఆటో నడుపుతూ జీవనం సాగించేవారు. ఆర్థిక ఇబ్బందుల్లో అప్పులు పెరగడంతో గత ఐదు నెలల క్రితం దుబాయ్ వెళ్లి డెలివరీ బాయ్‌గా పని చేస్తుండగా ఫిబ్రవరి 23న కారు ప్రమాదంలో మరణించాడు. సోమవారం మృతదేహం స్వగ్రామానికి చేరుకోగా కుటుంబ సభ్యులు, గ్రామస్థులు కన్నీటి పర్యంతమయ్యారు. మోహన్ కుటుంబానికి ప్రభుత్వం తక్షణ సహాయం అందించాలని గ్రామస్థులు కోరారు.
Similar News
News March 23, 2025
మెదక్: విషాదం.. అప్పుల బాధతో రైతు మృతి
అప్పుల బాధతో రైతు ఉరివేసుకొని ఆత్మహత్యకు పాల్పడిన ఘటన కౌడిపల్లి మండలంలో జరిగింది. పోలీసుల వివరాలు.. కుషన్ గడ్డ తండాకు చెందిన పాల్త్యజీవుల (50) నెల రోజుల్లోనే తనకున్న మూడు ఎకరాల పొలంలో మూడు బోర్లు వేయించిన, నీళ్లు రాలేదు. బోర్ల కోసం రూ.3 లక్షలు అప్పు చేశాడు. దీంతో శనివారం ఉరివేసుకుని ఆత్మహత్య చేసుకున్నాడు. పోలీసులు కేసు నమోదు చేసుకుని దర్యాప్తు చేస్తున్నారు.
News March 23, 2025
ములుగు: డబ్బులు కాజేసిన రేంజర్.. ఎవరెవరి ఖాతాల్లో ఎంతంటే!
తునిగాకు బోనస్ డబ్బులను<<15852374>> ఏడుగురు అటవీశాఖ సిబ్బంది<<>> ఖాతాల్లో వేపించి రేంజర్ బాలరాజు కాజేసిన విషయం తెలిసిందే. ప్రస్తుత ఏటూరునాగారం రేంజర్ అప్సరున్నిసా వివరాలు.. నర్సింహులు రూ.36,912, మహబూబ్ రూ.20,563, ప్రసాద్ రూ.39,631, వైకుంఠం రూ.39,309, కృష్ణ రూ.1,32,176, భిక్షపతి 5,557, మధుకర్ 4,511 చొప్పున వారి ఖాతాల్లో జమ చేసినట్లు తెలిపారు. కాగా ఉన్నతాధికారుల ఆదేశాల మేరకు పోలీసులకు ఫిర్యాదు చేశామన్నారు.
News March 23, 2025
యశ్వంత్ వర్మపై విచారణకు కమిటీ
జస్టిస్ <<15855484>>యశ్వంత్ వర్మ<<>> నివాసంలో భారీగా నగదు దొరకడంపై CJI అంతర్గత విచారణ కమిటీని ఏర్పాటు చేశారు. ఈ కమిటీలో పంజాబ్&హర్యానా HC CJ షీల్ నాగు, హిమాచల్‌ప్రదేశ్ HC CJ సంధవాలియా, కర్ణాటక HC CJ అను శివరామన్ ఉన్నారు. ఈ విచారణ సమయంలో వర్మకు ఎలాంటి న్యాయపరమైన పనులు అప్పగించవద్దని సీజేఐ ఆదేశించారు. పారదర్శకత కోసం ఢిల్లీ HC CJ రిపోర్ట్‌తో పాటు వర్మ స్టేట్‌మెంట్‌ను సుప్రీంకోర్టు వెబ్‌సైట్‌లో అప్‌లోడ్ చేశారు.