News November 16, 2024
NZB: టిప్పర్ ఢీకొని తండ్రీ కొడుకుకు గాయాలు
నిజామాబాద్ నగరంలోని రాజా రాజేంద్ర చౌరస్తాలో శనివారం టిప్పర్, బైక్ ఢీకొన్న ఘటనలో తండ్రీకొడుకులకు తీవ్రగాయాలయ్యాయి. మోపాల్ మండలం న్యాల్కల్ గ్రామానికి చెందిన భూమారావ్, అతని కుమారుడు ధనుష్ పెద్ద బజార్ నుంచి న్యాల్ కల్ వైపు ద్విచక్ర వాహనంపై వెళుతుండగా పులాంగ్ చౌరస్తా నుంచి వర్నీ చౌరస్తా వైపు వెళ్తున్న టిప్పర్ ఢీ కొట్టింది. దీనితో తండ్రీకొడుకులకు గాయాలవ్వగా ఆసుపత్రికి తరలించారు.
Similar News
News November 17, 2024
రోడ్డు ప్రమాదంలో నిజామాబాద్ వాసి మృతి
సంగారెడ్డి జిల్లా జహీరాబాద్ బైపాస్ వద్ద శనివారం రోడ్డు ప్రమాదం జరిగింది. ఆదర్శనగర్ మలుపు వద్ద ఓ కారు కల్వర్టును ఢీకొంది. ఈ ఘటనలో NZB జిల్లా డిచ్పల్లికి చెందిన సురేశ్ స్పాట్‌లో మృతిచెందగా, కుత్బుల్లాపూర్‌కు చెందిన నరసింహారావు, శివకుమార్ సంగారెడ్డిలో చికిత్స పొందుతూ మృతిచెందారు. వారు ముగ్గురు కలిసి కారులో మహారాష్ట్రలోని గానుగాపూర్‌ దర్శనానికి వెళ్లి వస్తుండగా ప్రమాదం జరిగినట్లు పోలీసులు తెలిపారు.
News November 17, 2024
KMR: జిల్లాలో గ్రూప్-3 రాత పరీక్ష కేంద్రాల వద్ద పటిష్టమైన బందోబస్తు: SP
ఆదివారం, సోమవారం రెండు రోజుల పాటు జరిగే గ్రూప్-3 రాత పరీక్షా కేంద్రాల వద్ద ఎలాంటి అవాంచనీయ సంఘటనలు చోటు చేసుకోకుండా పోలీసు శాఖ పటిష్ట భద్రతా, బందోబస్తు ఏర్పాట్లు చేయడం జరిగిందని కామారెడ్డి జిల్లా SP సింధు శర్మ తెలిపారు. పరీక్షకు హాజరయ్యే అభ్యర్థులు గంట ముందు పరీక్షా కేంద్రానికి చేరుకోవాలని ఆమె సూచించారు. పరీక్ష కేంద్రాల వద్ద 163 BNSS (144 సెక్షన్) అమలులో ఉంటుందన్నారు.
News November 16, 2024
కామారెడ్డి జిల్లాలో దారుణం.. రంగంలోకి డాగ్ స్క్వాడ్
కామారెడ్డి జిల్లాలో దారుణం చోటుచేసుకుంది. లింగంపేట మండలం పోల్కంపేటలో కాంతమయ్యకు చెందిన ఆవును గుర్తుతెలియని దుండగులు గురువారం రాత్రి <<14617109>>గొడ్డలితో నరికి <<>>చంపిన విషయం తెలిసిందే. కాగా ఆవుకు పశువైద్యురాలు అన్న జోనస్ పోస్ట్ మార్టం నిర్వహించారు. నిందితులను పట్టుకునేందుకు రెండు టీమ్స్‌ను ఏర్పాటు చేయడంతో పాటు క్లూస్ టీం, డాగ్ స్క్వాడ్ బృందాలతో గాలింపు చర్యలు చేపట్టినట్లు డీఎస్పీ శ్రీనివాస్ తెలిపారు.