News May 21, 2024

NZB: టీయూ ఇన్‌‌ఛార్జ్ వీసీగా సందీప్ సుల్తానియా

image

తెలంగాణ యూనివర్సిటీ ఇన్‌‌ఛార్జ్ వైస్ ఛాన్సలర్‌గా ఐఏఎస్ అధికారి సందీప్ కుమార్ సుల్తానియాను ప్రభుత్వం నియమించింది. గతంలో వీసీగా పనిచేసిన రవీందర్ గుప్తా ఏసీబీ అధికారులకు పట్టుబడ్డ విషయం తెలిసిందే.. అనంతరం వాకాటి కరుణా, బుర్ర వెంకటేశం ఇన్‌‌ఛార్జీలుగా పనిచేశారు. టీయూలో నెలకొన్న సమస్యలను నూతన ఇన్‌ఛార్జ్ వీసీ పరిష్కరించేలా చర్యలు తీసుకోవాలని విద్యార్థి సంఘాల నాయకులు కోరుతున్నారు.

Similar News

News November 29, 2025

NZB: GP ఎన్నికల్లో కాంగ్రెస్ జెండా ఎగురుతుంది: DCC అధ్యక్షుడు

image

జిల్లాలో జరగే గ్రామ పంచాయతీ ఎన్నికల్లో కాంగ్రెస్ బలపరిచే అభ్యర్థులు విజయం సాధిస్తారని NZB DCC అధ్యక్షుడు కాటిపల్లి నగేష్ రెడ్డి ధీమా వ్యక్తం చేశారు. శనివారం ఆయన మీడియా సమావేశంలో మాట్లాడారు. కాంగ్రెస్ చేపడుతున్న అభివృద్ధి పనులే సర్పంచి ఎన్నికల్లో ప్రజలు తమ పార్టీ పక్షాన నిలబడతారన్నారు. పార్టీ శ్రేణులు కష్టపడి పని చేసి అన్ని GPల్లో కాంగ్రెస్ జెండా ఎగరవేయడానికి కృషి చేయాలని పిలుపునిచ్చారు.

News November 29, 2025

NZB: మరణించిన 12 ఏళ్ల తర్వాత రూ.9.42 లక్షల పరిహారం

image

2013లో ప్రమాదవశాత్తు మరణించిన డిగ్రీ విద్యార్థి కుటుంబానికి ఎట్టకేలకు తెలంగాణ ప్రభుత్వం నుంచి ఉపశమనం లభించింది. భైంసాకు చెందిన చంద్రకాంత్ 12 సంవత్సరాల క్రితం NZBలోని BC హాస్టల్‌లోని 4వ అంతస్తు నుంచి పడిపోయాడు. తండ్రి పరుశురామ్ పరిహారం కోసం కోర్టులకు వెళ్లగా బాధిత కుటుంబానికి అనుకూలంగా హైకోర్టు తీర్పు ఇచ్చింది. బీసీ సంక్షేమ శాఖ రూ.9.42 లక్షలు పరిహారం చెల్లించాలని ఆదేశించింది.

News November 29, 2025

NZB: మొదటి విడత నామినేషన్లకు నేడే ముగింపు

image

గ్రామ పంచాయతీ ఎన్నికల మొదటి విడత పోరులో నామినేషన్ల స్వీకరణకు శనివారం సాయంత్రం 5 గంటలతో గడువు ముగియనుంది. జిల్లాలో మొదటి విడతలో బోధన్ డివిజన్‌లోని 184 జీపీలు, 1,642 వార్డు స్థానాలకు పోటీ జరగనుంది. దీనికి సంబంధించి రెండు రోజుల్లో సర్పంచ్ స్థానాలకు 304, వార్డు స్థానాలకు 382 నామినేషన్లు వచ్చాయి. నేడు నామినేషన్ల స్వీకరణ గడువు ముగియనున్న క్రమంలో భారీగా దరఖాస్తులు వచ్చే అవకాశాలు ఉన్నాయి.