News February 6, 2026
NZB: అండగా నిలవండి.. ఆదర్శంగా తీర్చిదిద్దుతా: CM
నిండు మనసుతో అండగా నిలిస్తే తెలంగాణ రాష్ట్రాన్ని ఆదర్శంగా తీర్చిదిద్దుతానని ముఖ్యమంత్రి రేవంత్ రెడ్డి హామీ ఇచ్చారు. శుక్రవారం ఆయన నిజామాబాద్ జిల్లా బర్దిపూర్లో నిర్వహించిన సభలో మాట్లాడారు. నిజామాబాద్ నగర పాలక సంస్థ ఎన్నికల్లో కాంగ్రెస్ను గెలిపించాలని కోరారు. గత 10 ఏళ్ల BRS, 12 ఏళ్ల BJP పాలనలో NZB చెత్త కుప్పలా, మురికి కూపంలా మారిందని విమర్శించారు.
Similar News
News February 26, 2026
KNR: పీజీ పరీక్షా కేంద్రాన్ని తనిఖీ చేసిన SU రిజిస్ట్రార్
శాతవాహన విశ్వవిద్యాలయ పరిధిలో పీజీ, ఎంబీఏ, ఎంసీఏ మొదటి సెమిస్టర్ పరీక్షలు మధ్యాహ్నం 2 గంటల నుండి సాయంత్రం 5 గంటల వరకు జరుగుతున్నాయి. ఈ నేపథ్యంలో గురువారం కరీంనగర్లోని వివేకానంద డిగ్రీ & పిజి కళాశాల పరీక్షా కేంద్రాన్ని విశ్వవిద్యాలయ రిజిస్ట్రార్ ఆచార్య యు.సతీష్ కుమార్ ఆకస్మిక తనిఖీ చేశారు. ఈ సందర్భంగా పరీక్షలు నడుస్తున్న తీరును పరిశీలించారు.
News February 26, 2026
ఖమ్మం: ప్రతిపక్షాల దాడి.. అధికార పక్షం తడబాటు
వెలుగుమట్ల భూదాన్ భూముల ఆక్రమణల తొలగింపు ప్రభుత్వానికి కొత్త చిక్కులు తెచ్చిపెట్టింది. 8 ఏళ్లుగా నలుగుతున్న ఈ అంశంలో రాత్రికి రాత్రి వేలాది మంది పోలీసులతో కూల్చివేతలు చేపట్టడంపై సర్వత్రా విమర్శలు వ్యక్తమవుతున్నాయి. జిల్లాలో ముగ్గురు మంత్రులు ఉన్నా, ప్రతిపక్షాల విమర్శలను తిప్పికొట్టడంలో సమన్వయ లోపం స్పష్టంగా కనిపిస్తోంది. కీలక పాత్ర పోషించిన RDO నర్సింహారావు ఆకస్మిక బదిలీ రాజకీయంగా దుమారం రేపింది.
News February 26, 2026
బోయినపల్లి: CMO అధికారిని అంటూ మోసం.. అరెస్ట్
రంగారెడ్డి జిల్లా కుట్లూరు ప్రాంతానికి చెందిన సూర్య ప్రకాష్ బెట్టింగులకు బానిసై అధిక డబ్బు సంపాదించాలని దొంగతనాలకు అలవాటుపడ్డాడు. మోటార్ సైకిల్ దొంగలించిన కేసులో అరెస్టై జైలు నుండి బయటకు వచ్చిన తర్వాత సీఎంఓ కార్యాలయంలో పనిచేస్తానని చెప్పి బోయినపల్లి మిడ్ మానేరు DEE రఘుపతికి కాల్ చేసి డబ్బులు డిమాండ్ చేశాడు. దీంతో రఘుపతి పోలీస్ స్టేషన్లో ఫిర్యాదు చేయగా నిందితుడిని పట్టుకొని రిమాండ్కు తరలించారు.