News January 9, 2025
NZB: ఉమ్మడి నిజామాబాద్ జిల్లాలో చలి పంజా
ఉమ్మడి నిజామాబాద్ జిల్లాలో మళ్లీ చలి పంజా విసురుతుంది. 2 రోజులుగా నిలకడగా ఉన్న ఉష్ణోగ్రతలు ఈరోజు పడిపోయి చలి తీవ్రత పెరిగిందని హైదరాబాద్ వాతావరణ కేంద్రం తెలిపింది.కామారెడ్డి జిల్లాలో అత్యల్పంగా డోంగ్లి 7.3, జుక్కల్ 8.1, మేనూర్ 9.0, గాంధారి 9.2 డిగ్రీలు నమోదు కాగా నిజామాబాద్ జిల్లాలో అత్యల్పంగా కోటగిరి 10.4, నిజామాబాద్ సౌత్ 10.7, మెండోరా, ధర్పల్లిలో 11.0 డిగ్రీల సెల్సియస్ ఉష్ణోగ్రతలు నమోదయ్యాయి.
Similar News
News January 10, 2025
ప్రజాక్షేత్రంలో మిస్టర్ క్లీన్ కేటీఆర్: జీవన్ రెడ్డి
ప్రజాక్షేత్రంలో KTR ను మిస్టర్ క్లీన్ గా ఆర్మూర్ మాజీ MLA జీవన్ రెడ్డి అభివర్ణించారు. కేటీఆర్ ఫార్ములా ఈ కారు రేసింగ్ ఈవెంట్ ద్వారా హైదరాబాద్ బ్రాండ్‌ ఇమేజ్‌ను అంతర్జాతీయ స్థాయికి చేర్చడానికి ప్రయత్నం చేశారే తప్ప CM రేవంత్ రెడ్డి మాదిరిగా తన సోదరులకు, బావమరుదులకు దోచిపెట్టడానికి కాదని ఆయన ఆరోపించారు. రేవంత్ లాగా ఎమ్మెల్యేలను కొనుగోలు చేయడానికి వెళ్లి పట్టుబడిన నేర చరిత్ర కేటీఆర్‌కు లేదన్నారు.
News January 9, 2025
NZB: అక్కడ ఆ తేదీల్లో సౌకర్యాలు కల్పించండి: మైనారిటీ కమిషన్ ఛైర్మన్
నిజామాబాద్ నగర సమీపంలోని సారంగపూర్ వద్ద ఈ నెల 19, 20, 21 తేదీలలో జరిగే ఇజ్తెమాకు తగు సౌకర్యాలు కల్పించాలని రాష్ట్ర మైనారిటీ కమిషన్ ఛైర్మన్ తారిఖ్ అన్సారీ మున్సిపల్ కమిషనర్ దిలీప్ ను ఆదేశించారు. ఈ ఇజ్తెమాకు నిజామాబాద్, మెదక్ ఉమ్మడి జిల్లాల నుండి సుమారు 30 వేల పైచిలుకు మంది హాజరయ్యే అవకాశం ఉన్నందున తాగునీటి వసతి, శానిటేషన్ వంటి సదుపాయాలు కల్పించాలని సూచించారు.
News January 9, 2025
గోలిలింగాల గ్రామ కార్యదర్శిగా సంతోష్ కుమార్
నాగిరెడ్డిపేట మండలం గోలిలింగాల గ్రామ నూతన కార్యదర్శిగా సంతోష్ కుమార్ నియమితులయ్యారు. దీంతో ఇవాళ గ్రామ పెద్దలు శాలువాతో ఘనంగా సన్మానించారు. సంతోష్ కుమార్.. గోలిలింగాల గ్రామ కార్యదర్శిగా వచ్చినందుకు ఎంతో సంతోషంగా ఉందన్నారు. గతంలో బొల్లారం గ్రామాన్ని ఎంతో అభివృద్ధి చేశారని గ్రామపెద్దలు పేర్కొన్నారు.