News June 26, 2024
NZB: చిరుతను తప్పించబోయి కారు బోల్తా.. మహిళ మృతి
![image](https://d1uy1wopdv0whp.cloudfront.net/newsimages/news_62024/1719375475653-normal-WIFI.webp)
రోడ్డు ప్రమాదంలో మహిళ మృతిచెందిన ఘటన నిజామాబాద్ జిల్లా మోపాల్ మండలంలో చోటుచేసుకుంది. ఎల్లమ్మ కుంట శివారులో మంగళవారం రాత్రి రోడ్డుపై వెళ్తున్న కారుకు చిరుత అడ్డురావడంతో దాన్ని తప్పించబోయి కారు అదుపుతప్పి బోల్తాపడింది. ఈ ప్రమాదంలో గాంధారి మండలం యాచారం గ్రామానికి చెందిన మాలోత్ లలిత అక్కడికక్కడే మృతి చెందింది. ఆమె భర్త మాలోత్ ప్రభాకర్ తీవ్రంగా గాయపడ్డాడు.
Similar News
News June 29, 2024
NZB: పదవుల రేసులో ఆ ఇద్దరు నేతలు
![image](https://d1uy1wopdv0whp.cloudfront.net/newsimages/news_62024/1719622463762-normal-WIFI.webp)
ఢిల్లీలో కాంగ్రెస్ PCC అధ్యక్షుడి నియామకంతో పాటు మంత్రివర్గ విస్తరణపై కసరత్తు సాగుతోంది. జిల్లా నుంచి ఇద్దరి పేర్లు పరిశీలనలో ఉన్నాయి. MLC మహేశ్కుమార్ గౌడ్, అధ్యక్షపీఠాన్ని ఆశిస్తున్నారు. NZBఎంపీగా 2సార్లు గెలిచిన మధుయాష్కీ కూడా ఈ పదవీ కోసం ప్రయత్నిస్తున్నారు. మంత్రి వర్గ విస్తరణలో జిల్లాకు ప్రాతినిధ్యం లభించలేదు. కాగా జిల్లా నుంచి సుదర్శన్ రెడ్డి పేరు పరిశీలనలో ఉన్నట్లు పార్టీ వర్గాలు తెలిపాయి.
News June 28, 2024
NZB: జీజీహెచ్లో బోధనా వైద్యుల నిరసన
![image](https://d1uy1wopdv0whp.cloudfront.net/newsimages/news_62024/1719581798079-normal-WIFI.webp)
నిజామాబాద్ జిల్లా కేంద్రంలోని ప్రభుత్వ జనరల్ ఆస్పత్రి ఎదుట శుక్రవారం బోధనా వైద్యులు ఆందోళన చేపట్టారు. నల్లబ్యాడ్జీలు ధరించి నిరసన వ్యక్తం చేశారు. ఈ సందర్భంగా బోధనా వైద్యుల సంఘం జిల్లా అధ్యక్షుడు డాక్టర్. కిరణ్ ప్రకాశ్ మాట్లాడుతూ.. నల్గొండలోని జనరల్ ఆస్పత్రిలో వైద్యుల హాజరును పర్యవేక్షించేందుకు రోజుకో ఆఫీసర్ను నియమిస్తూ అక్కడి కలెక్టర్ నిర్ణయం తీసుకోవడాన్ని వ్యతిరేకిస్తున్నామన్నారు.
News June 28, 2024
నిజామాబాద్ : BRS నేతలతో సమావేశమైన కేసీఆర్
![image](https://d1uy1wopdv0whp.cloudfront.net/newsimages/news_62024/1719578994304-normal-WIFI.webp)
కామారెడ్డి జిల్లాలోని BRS మాజీ ఎమ్మెల్యేలు గంప గోవర్ధన్, హన్మంత్ షిండే, BRS అధినేత KCRను మర్యాదపూర్వకంగా కలిశారు. ఈ సందర్భంగా రాజకీయ అంశాలపై చర్చించారు. ఈ కార్యక్రమంలో బాల్కొండ నియోజకవర్గ ఎమ్మెల్యే వేముల ప్రశాంత్ రెడ్డి, నిజామాబాద్ BRS జిల్లా అధ్యక్షుడు, ఆర్మూర్ మాజీ ఎమ్మెల్యే జీవన్ రెడ్డి ఉన్నారు.