News January 31, 2025
NZB: పట్టభద్రులు మేల్కోండి… నేడే చివరి రోజు
ఉమ్మడి నిజామాబాద్,కరీంనగర్, మెదక్, అదిలాబాద్ జిల్లా పట్టభద్రుల మండలి ఎన్నికల షెడ్యూల్ విడుదలైన విషయం తెలిసిందే. ఇప్పటికే పోటీ చేస్తామనుకున్న వారు క్షేత్ర స్థాయిలో ప్రచారం నిర్వహిస్తున్నారు. పట్టభద్రులను, ఉపాధ్యాయులను కలుస్తూ ఓటరుగా నమోదు చేసుకోవాలని సూచిస్తున్నారు. పట్టభద్రుల ఓటర్ నమోదుగా దరఖాస్తుల స్వీకరణ నేటితో ముగియనుంది. ఎమ్మెల్సీ ఎన్నికల ముందు ఓటర్ నమోదుకు ఇదే చివరి అవకాశం కానుంది.
Similar News
News January 31, 2025
NZB: కన్న కొడుకును హత్య చేసిన తల్లి.. 10 ఏళ్ల జైలు శిక్ష
కన్న కొడుకును హతమార్చిన ఓ తల్లికి పదేళ్ల కఠిన కారాగార శిక్ష విధిస్తూ నిజామాబాద్ జడ్జి శ్రీనివాస్ గురువారం తీర్పునిచ్చారు. నిజామాబాద్ నాగారం శివార్లలో ఉండే లావణ్య 2023 మార్చి 29న మాక్లూర్ మండలం దాస్ నగర్ వద్ద ఉన్న నిజాంసాగర్ కెనాల్ వద్దకు తన కొడుకును తీసుకెళ్లి హత్య చేసింది. నేరం రుజువు కావడంతో లావణ్యకు పదేళ్ల కఠిన కారాగార శిక్ష విధిస్తూ జడ్జి తీర్పు చెప్పారని పోలీసులు తెలిపారు.
News January 31, 2025
నిజామాబాద్ జిల్లా ఎమ్మెల్సీ ఓటర్ల జాబితా విడుదల
నిజామాబాద్ జిల్లా ఎమ్మెల్సీ ఓటర్ల జాబితాను అధికారులు గురువారం విడుదల చేశారు. ఈ మేరకు జిల్లాలో మొత్తం ఎమ్మెల్సీ ఓటర్లు 34,132 మంది ఉన్నారు. వీరిలో పట్టభద్రులు 30,593 మంది, ఉపాధ్యాయులు 3,529 మంది ఉన్నారు. జిల్లా వ్యాప్తంగా 48 పట్టభద్రుల పోలింగ్ కేంద్రాలు, 33 ఉపాధ్యాయ ఎమ్మెల్సీ ఓటింగ్ సెంటర్లను ఏర్పాటు చేయనున్నట్లు అధికారులు ప్రకటించారు.
News January 31, 2025
NZB: ఇవాళ తెలంగాణ జాగృతి రౌండ్ టేబుల్ సమావేశం
సాగునీటి ప్రాజెక్టులపై ఇవాళ తెలంగాణ జాగృతి రౌండ్ టేబుల్ సమావేశం నిర్వహిస్తోంది. సోమాజిగూడ ప్రెస్ క్లబ్‌లో ఉదయం 11 గంటలకు నీళ్లు-నిజాలు” పేరిట జరగనున్న రౌండ్ టేబుల్ సమావేశంలో బీఆర్ఎస్ నిజామాబాద్ ఎమ్మెల్సీ కల్వకుంట్ల కవిత పాల్గొననున్నారు. అలాగే మేధావులు, తెలంగాణ ఉద్యమకారులు, సాగునీటి నిపుణులు, విశ్రాంత ఇంజనీర్లు సమావేశానికి హాజరుకానున్నారు.