News January 6, 2025
NZB: సూసైడ్ చేసుకున్న ఇంటర్ విద్యార్థిని
కాలేజీకి వెళ్ళమని చెప్పడంతో ఓ ఇంటర్ విద్యార్థిని ఉరేసుకొని ఆత్మహత్యకు పాల్పడిన ఘటన నిజామాబాద్‌లో చోటు చేసుకుంది. 3వ టౌన్ పరిధికి చెందిన లక్ష్య(16) ఇంటర్ మొదటి సంవత్సరం ఓ ప్రైవేటు కళాశాల హాస్టల్లో ఉంటూ చదువుతోంది. నెల రోజుల కిందట ఇంటికి వచ్చిన బాలిక తిరిగి వెళ్లలేదు. దీంతో కుటుంబ సభ్యులు హాస్టల్‌కు వెళ్లి చదువుకోవాలని చెప్పడంతో క్షణికావేశంలో బాలిక ఆత్మహత్య చేసుకున్నట్లు పోలీసులు చెప్పారు.
Similar News
News January 8, 2025
డిచ్పల్లి: ఓట్లు వేసేది ప్రజలు.. ఓట్లు వేయించేది మీరు: మంత్రి జూపల్లి
ఓట్లు వేసేది ప్రజలు.. ఓట్లు వేయించేది కార్యకర్తలు, నాయకులు అని నిజామాబాద్ జిల్లా ఇంచార్జి మంత్రి జూపల్లి కృష్ణారావు అన్నారు. పార్లమెంట్ నియోజకవర్గ కాంగ్రెస్ పార్టీ సమీక్ష సమావేశంలో ఆయన మాట్లాడుతూ పార్టీ శ్రేణులు నిరాశ, నిస్పృహలకు లోనుకావద్దన్నారు. రాష్ట్రంలో కాంగ్రెస్ ప్రభుత్వం అమలు చేస్తున్న పథకాలు, గత BRS ప్రభుత్వ అవినీతిని ప్రజలకు విడమరిచి చెప్పాలని, స్థానిక ఎన్నికల్లో విజయం సాధించాలని కోరారు.
News January 8, 2025
కేంద్ర రైల్వేశాఖ మంత్రితో ఎంపీ అర్వింద్ భేటీ
NZB ఎంపీ ధర్మపురి అరవింద్, జేఎల్పీ నేత ఎమ్మెల్యే ఏలేటి మహేశ్వర్ రెడ్డి మంగళవారం దిల్లీలో కేంద్ర రైల్వే శాఖామంత్రి అశ్విని వైష్ణవ్‌ని మర్యాదపూర్వకంగా కలిశారు. తెలంగాణ రాష్ట్రంలో నూతన రైల్వే లైన్ విస్తరణ పనుల గురించి చర్చించారు. ARMR to ADB వయా నిర్మల్ రైల్వే లైన్ గురించి ప్రస్తావించారు. కేంద్ర మంత్రి సానుకూలంగా స్పందించినట్లు ఎంపీ తెలిపారు.
News January 7, 2025
NZB: ఎమ్మెల్సీ జీవన్ రెడ్డిని బుజ్జగించిన నేతలు
నిజామాబాద్ జిల్లా డిచ్పల్లిలో మంగళవారం సాయంత్రం నిర్వహించిన కాంగ్రెస్ పార్లమెంట్ స్థాయి సమావేశంలో ఎమ్మెల్సీ జీవన్ రెడ్డికి చేదు అనుభవం ఎదురైన సంగతి తెలిసిందే. జగిత్యాల ఎమ్మెల్యే సంజయ్ రావడం, అక్కడి పుస్తకంలో సంతకం చేసేందుకు చూడగా ఆయన పేరు లేకపోవడంతో అలిగి స్టేజ్ దిగిపోయారు. దీనితో కాంగ్రెస్ నాయకులు ఆయన్ను బుజ్జగించి తిరిగి స్టేజి పైకి తీసుకెళ్లడంతో అందరూ ఊపిరి పీల్చుకున్నారు.