News August 12, 2024
NZB: GREAT.. 5 ఉద్యోగాలు సాధించిన కానిస్టేబుల్ బిడ్డ
ఓ కానిస్టేబుల్ బిడ్డ ఏకంగా 5 ప్రభుత్వ ఉద్యోగాలు సాధించి అందరికీ ఆదర్శంగా నిలిచారు. నిజామాబాద్కు చెందిన రాథోడ్ మోజీరాం కుమార్తె కావేరి HYDలో ప్రిపేర్ అవుతూ.. AEE R&B, AE, పాలిటెక్నిక్ లెక్చరర్, గ్రూపు-4, SSC JE ఉద్యోగాలు సాధించి సత్తాచాటారు. ISROలో ఇంటర్వ్యూకు సైతం సెలెక్ట్ అయ్యారు. IAS కావటమే తన లక్ష్యమని తెలిపారు. కావేరిపై సర్వత్రా ప్రశంసలు వెల్లువెత్తుతున్నాయి.
Similar News
News September 20, 2024
KMR: ఇలాంటి పురాతన బావులు మీ ఊరిలో ఉన్నాయా.. కామెంట్..!
లింగంపేటలోని నాగన్న మెట్ల బావిని నేడు కలెక్టర్, ఎమ్మెల్యే ప్రారంభించనున్నారు. కాగా ఈ బావికి చాలా ప్రత్యేకతలున్నాయి. పాపన్నపేట సంస్థాన కాలంలో జాక్సాని నాగన్న అనే వ్యక్తి 18 వ శతాబ్దంలో నిర్మించాడని స్థానిక కైఫియత్తులో లిఖించబడింది. ఈ నిర్మాణాన్ని ఉపరితలం నుంచి 100 అడుగుల లోతు వరకు ఐదు అంతస్తులుగా రాతితో అందంగా నిర్మించారు. మరీ ఇలాంటి పురాతన బావులు మీ గ్రామంలో ఉన్నాయా.. ఉంటే కామెంట్ చేయండి
News September 20, 2024
NZB: డాక్టర్ పేరిట GGHలో రూ.90 వేల నూతన ఫోన్ అపహరణ
నిజామాబాద్ ప్రభుత్వ జనరల్ ఆసుపత్రి (GGH)లో డాక్టర్ పేరిట రూ.90 వేలు విలువ చేసే కొత్త ఫోన్ను గుర్తు తెలియని వ్యక్తి అపహరించుకుపోయాడు. నగరంలోని ఒక సెల్ ఫోన్ షాపుకు డాక్టర్ పేరిట ఫోన్ చేసి GGHకు ఫోన్ తెస్తే తీసుకుంటానని నమ్మబలికి రప్పించి సూపరింటెండెంట్ రూం ఎదురుగా కూర్చోబెట్టాడు. లోపల సార్కు ఫోన్ చూయించి వస్తానని ఫోన్తో సహా పరారయ్యాడు. దీనిపై వన్ టౌన్ పోలీసులు కేసు నమోదు చేశారు.
News September 20, 2024
NZB: ప్రేమకు నిరాకరించిన యువతి.. యువకుడు ఆత్మహత్య
యువతీ ప్రేమకు నిరాకరించిందని యువకుడు ఉరివేసుకొని బలవన్మరణానికి పాల్పడ్డాడు. ఈ ఘటనా ఖానాపూర్ శివారులో చోటుచేసుకుంది. స్థానికంగా ఉండే గౌతమ్ కాంబ్లె (26) ఓ యువతిని ప్రేమించాడు. ఇందుకు యువతి నిరాకరించడంతో మనస్తాపానికి గురై ఖానాపూర్ శివారులో చెట్టుకు ఉరి వేసుకున్నాడు. స్థానికులు నిజామాబాద్ రూరల్ పోలీసులకు సమాచారం అందించగా ఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేపట్టారు.