News December 11, 2024
NZB: UPDATE.. ఘోర రోడ్డు ప్రమాదం.. ఇద్దరు మృతి
జక్రాన్‌పల్లిలో జరిగిన రోడ్డు ప్రమాదంలో ఇద్దరు మృతి చెందిన విషయం తెలిసిందే. కాగా మృతి చెందిన వారు నిజామాబాద్‌కు చెందిన కస్తూరి ప్రమోద్, అంకడి సంజయ్ గా గుర్తించినట్లు ఎస్ఐ తిరుపతి తెలిపారు. ఈ ఇద్దరు జక్రాన్ పల్లి నుంచి నిజామాబాద్ వైపు బైకుపై వెళ్తుండగా సికింద్రాపూర్ 44 జాతీయ రహదారిపై ఆగి ఉన్న లారీని ఢీకొట్టారని వెల్లడించారు. కేసు నమోదు చేసుకొని దర్యాప్తు చేపట్టినట్లు ఎస్సై పేర్కొన్నారు.
Similar News
News January 6, 2025
KMR: నవోదయలో లైంగిక వేధింపులు.. టీచర్లకు రిమాండ్‌
కామారెడ్డి జిల్లా నిజాంసాగర్ జవహర్ నవోదయ విద్యాలయలో విద్యార్థులను లైంగికంగా వేధించిన నలుగురు ఉపాధ్యాయులపై కేసు నమోదు చేసినట్లు ఎస్ఐ శివకుమార్ తెలిపారు. వారిని అరెస్టు చేసి రిమాండ్‌కు తరలించినట్లు ఎస్ఐ వెల్లడించారు. ఈ ఘటనపై స్పందించిన ఉన్నతాధికారులు ఆ నలుగురు ఉపాధ్యాయులను సస్పెండ్ చేశారు. గతంలో విద్యార్థులపై అసభ్యంగా ప్రవర్తించిన ఓ ఉపాధ్యాయుడిని కర్ణాటకకు బదిలీ చేశారు.
News January 6, 2025
లింగంపేట: బెట్టింగ్ యాప్‌తో యువకుడు బలి
బెట్టింగ్ యాప్‌లో సొమ్ము పోగొట్టుకొని యువకుడు ఆత్మహత్యకు పాల్పడిన ఘటన లింగంపేట మండలం ఐలాపూర్‌లో చోటు చేసుకుంది. గ్రామానికి చెందిన గంగరాజు(29) భార్య, పిల్లలతో నివాసం ఉంటున్నాడు. ఆదివారం రాత్రి ఇంట్లో నుంచి వెళ్లి తిరిగి రాకపోవడంతో కుటుంబ సభ్యులు చుట్టుపక్కల వెతికినా ఆచూకీ లభించలేదు. పోలీస్ స్టేషన్‌లో ఫిర్యాదు చేయడంతో ఆన్‌లైన్ గేమ్స్‌లో మోసపోయి చెరువుల దూకి ఆత్మహత్య చేసుకున్నట్లు పోలీసులు తెలిపారు.
News January 5, 2025
నిజామాబాద్ జిల్లాకు మంత్రి పదవి ఇవ్వాలి: ఎమ్మెల్యే
నిజామాబాద్ జిల్లాకు మంత్రి పదవి ఇవ్వాలని తాను కూడా డిమాండ్ చేస్తున్నానని నిజామాబాద్ రూరల్ ఎమ్మెల్యే భూపతిరెడ్డి అన్నారు. ఆదివారం నిజామాబాద్‌లోని ఎమ్మెల్యే క్యాంపు కార్యాలయంలో ఆయన మీడియాతో మాట్లాడారు. ప్రజాపాలనతో ముందుకు సాగుతున్న విమర్శించే నైతిక హక్కు బీఆర్ఎస్, బీజీపీకి లేదన్నారు. రాబోయే స్థానిక సంస్థల ఎన్నికల్లో కాంగ్రెస్ స్వీప్ చేస్తుందని ధీమా వ్యక్తం చేశారు.